జాతీయ వార్తలు
క‘ర్నాటకం’ మలుపెటు?
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, మే 18: కర్నాటక రాజకీయం ఎలాంటి మలుపుతిరగబోతోంది? ప్రభుత్వ ఏర్పాటుకు అవసరమైన బలం లేకపోయినా ముఖ్యమంత్రిగా ప్రమాణస్వీకారం చేసేసిన బీఎస్ యెడ్యూరప్ప భవితవ్యం ఏమిటన్నది ప్రశ్నార్థకంగా మారింది. అనూహ్యరీతిలో సుప్రీం కోర్టు జోక్యం చేసుకుని 15 రోజుల బలపరీక్ష గడువును పక్కన బెట్టి శనివారం సాయంత్రానికల్లా మెజారిటీని నిరూపించుకోవాలని ఆయనను ఆదేశించడంతో ఒక్కసారిగా జాతీయ స్థాయిలో రాష్టప్రరిణామాలు ఎలా ఉంటాయన్న దానిపై ఉత్కంఠ నెలకొంది. రాష్ట్ర అసెంబ్లీ ఎన్నికల్లో ప్రజలు ఏ పార్టీకీ మెజారిటీ కట్టబెట్టలేదు. దాంతో అనిశ్చితి ఏర్పడింది. సంకీర్ణ ప్రభుత్వమే శరణ్యమన్న పరిస్థితుల నేపథ్యంలో 104 స్థానాలతో అతిపెద్ద పార్టీగా అవతరించిన బీజేపీనే ప్రభుత్వ ఏర్పాటుకు గవర్నర్ ఆహ్వానించడం, బలపరీక్షకు 15 రోజుల గడువు ఇవ్వడం రాజకీయ వర్గాల్లో కలకలం రేపాయి. తనకు 120 మంది ఎమ్మెల్యేల మద్దతు ఉందని ఆయన గట్టిగా చెబుతున్నా అందులో వాస్తవికత కనిపించడం లేదు. 78 స్థానాలు గెలుచుకున్న కాంగ్రెస్, 37 మంది ఎమ్మెల్యేలు కలిగిన జేడీఎస్‌తో చేతులు కలిపింది. అలాగే ఎన్నికలకు ముందే జేడీఎస్‌తో ఒప్పందం కుదర్చుకున్న బీఎస్పీకి ఒక్క సీటు దక్కింది. ఈ మూడు పార్టీలు కలిస్తే మొత్తం బలం 116 అవుతుంది. అలాగే మరో ఇద్దరు ఇండిపెండెంట్ ఎమ్మెల్యేల మద్దతు తమకే ఉందని అంతిమంగా తమ బలం 118 అని కాంగ్రెస్-జేడీఎస్ కూటమి చెబుతోంది.
ఈ పరిస్థితుల్లో యెడ్యూరప్ప గెలవాలంటే 111 మంది ఎమ్మెల్యేల మద్దతు కావాలి. ఒకవేళ ఎవరైనా గైర్హాజరయితే ఈ మెజారిటీ మార్క్ తగ్గేందుకు అవకాశం ఉంటుంది. 104 మంది సభ్యుల బలం కలిగిన బీజేపీ గెలవాలంటే ప్రతిపక్షాల నుంచి 14 ఎమ్మెల్యేలు గైర్హాజరు కావల్సి ఉంటుంది. అది ఎట్టి పరిస్థితుల్లోనూ సాధ్యమయ్యే అవకాశం లేదు. ఈ పరిస్థితుల్లో శనివారం కర్నాటక అసెంబ్లీలో జరిగే ఏ రకమైన పరిణామాలు ఆవిష్కృతమవుతాయి? సుప్రీం ఆదేశం ప్రకారం జరిగే బలపరీక్షలో అవసరమైన మెజారిటీని యెడ్యూరప్ప సంతరించుకోలేకపోతే పరిస్థితి ఏమిటన్న ప్రశ్న తలెత్తుతోంది.
చిత్రం..కర్నాటక గవర్నర్ నిర్ణయానికి నిరసనగా బెంగళూరులో శుక్రవారం రాజ్‌భవన్‌కు ర్యాలీ నిర్వహించిన కాంగ్రెస్ శ్రేణులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.