జాతీయ వార్తలు
తెలంగాణలో పార్టీని పటిష్టం చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 7: తెలంగాణలో కాంగ్రెస్ పార్టీని పటిష్టం చేసేందుకు త్వరలోనే చర్యలు తీసుకుంటామని కాంగ్రెస్ అధ్యక్షురాలు సోనియా గాంధీ రాష్ట్ర కాంగ్రెస్ సీనియర్ నాయకుడు, లోక్‌సభ సభ్యుడు నంది ఎల్లయ్యకు చెప్పారు. ఎల్లయ్య గురువారం సోనియాగాంధీని కలిసి తెలంగాణ కాంగ్రెస్ వ్యవహారాల గురించి వివరిస్తూ ఒక లేఖను అందజేశారు. సోనియాగాంధీ ఆయన చెప్పినదంతా సావకాశంగా విన్న తరువాత, రాష్ట్ర కాంగ్రెస్ పరిస్థితి అవగతమైందనీ, కాంగ్రెస్‌ను పటిష్టం చేసేందుకు త్వరలోనే చర్యలు తీసుకుంటామని హామీ ఇచ్చారని ఎల్లయ్య చెప్పారు. రాష్ట్ర కాంగ్రెస్‌కు చెందిన ఎంపీతోపాటు పలువురు శాసన సభ్యులు, శాసన మండలి సభ్యులు, ఇతర నాయకులు తమ స్వార్థ రాజకీయ, ఆర్థిక ప్రయోజనాల కోసమే టిఆర్‌ఎస్‌లో చేరారని ఆయన పార్టీ అధ్యక్షురాలికి చెప్పారు. నియంతగా వ్యవహరిస్తున్న తెలంగాణ రాష్ట్ర ప్రభుత్వాన్ని ఎదుర్కొనేందుకు ఉద్యమించాల్సిన తరుణం వచ్చిందని ఆయన అన్నారు. తెలంగాణలో కాంగ్రెస్‌ను పటిష్టం చేసేందుకు మొదట టిపిసిసి కార్యవర్గ సమావేశాన్ని ఎఐసిసిలో ఏర్పాటుచేసి తగు సూచనలు, సలహాలు ఇవ్వాలని సూచించారు. టిపిసిసి పని తీరును స్వయంగా సోనియా గాంధీయే సమీక్షించాలని ఎల్లయ్య డిమాండ్ చేశారు. రాష్ట్ర వ్యవహారాల ఇంచార్జ్ తెలంగాణలోని ప్రతి జిల్లాలో రెండు, మూడు రోజులుండి సమీక్షలు జరపాలన్నారు. రాష్ట్ర వ్యవహారాల ఇంచార్జ్ ప్రతి రెండు నెలలకు ఒక సారి టిపిసిసి పనితీరుపై నివేదికలు తెప్పించుకోవాలని లేఖలో సూచించారు. టిఆర్‌ఎస్ ప్రభుత్వంపట్ల ప్రజల్లో తీవ్ర అసంతృప్తి నెలకొన్నది, అయితే రాష్ట్ర కాంగ్రెస్‌లో ఉన్న అంతర్గత కుమ్ములాటల మూలంగా సమర్థంగా పని చేయలేకపోతున్నామని నంది ఎల్లయ్య పార్టీ అధ్యక్షురాలికి ఫిర్యాదు చేశారు. తెలంగాణ రాష్ట్రాన్ని కాంగ్రెస్ ఏర్పాటుచేస్తే ప్రత్యేక రాష్ట్రం తమవల్లనే ఏర్పడిందని టిఆర్‌ఎస్ తప్పుడు ప్రచారం చేస్తోందని ఆరోపించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.