జాతీయ వార్తలు
సైన్యం అజమాయిషీలోనే పాకిస్తాన్ పాలన
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 17: పాకిస్తాన్‌లో ఇమ్రాన్ ఖాన్ ప్రభుత్వం ఏర్పడినా ఇంకా సైనిక పాలనే కొనసాగుతోందని కేంద్ర విదేశాంగ శాఖ సహాయ మంత్రి వీకే సింగ్ సంచలన వ్యాఖ్యలు చేశారు. ఇమ్రాన్‌ఖాన్ ప్రభుత్వం ఏ మేరకు మార్పులు తీసుకొస్తుందో కొన్నాళ్లు వేచి చూడాలని స్పష్టం చేశారు. సోమవారం ఆయన మీడియాతో మాట్లాడుతూ ‘పాకిస్తాన్ కొత్త ప్రభుత్వం పనితీరుపై భారత్ వేచిచూసే ధోరణితోనే ఉంది’ అని సింగ్ వ్యాఖ్యానించారు. పాకిస్తాన్‌లో ప్రజా ప్రభుత్వం ఏర్పాటైనా చొరబాట్లు కొనసాగుతునే ఉన్నాయన్న విషయంపై మంత్రిని ప్రశ్నించగా ‘పరిస్థితి మారిపోయిందని మీరు అనుకుంటున్నారా?’ అని ఎదురు ప్రశ్నించారు. ‘ఇప్పటికీ అంతా సైన్యం కనుసన్నలలోనే కొనసాగుతోంది. నాకయితే సైనిక పాలనలాగే తోస్తోంది’ అని మంత్రి వెల్లడించారు. ఏం జరుగుతుందో వేచిచూడాల్సిందేనని ఆయన అన్నారు. ప్రభుత్వం సైనిక చేతిలోనే ఉంటుందా? ఇమ్రాన్‌ఖాన్ దాన్ని తన చేతుల్లోకి తెచ్చుకుంటారా అన్నది చూడాల్సిందేనని మీడియాతో అన్నారు. ఫిక్కీ ఆధ్వర్యంలో రెండు రోజుల పాటు జరగనున్న ‘స్మార్ట్ బోర్డర్ మేనేజ్‌మెంట్’ సదస్సును సింగ్ ప్రారంభించారు. ‘చర్చల ద్వారానే సమస్యలు పరిష్కరించుకోవాలన్నదే భారత్ విధానం. అలాంటి సుహృద్భావ వాతావరణం కోసం ఎప్పుడూ ప్రయత్నిస్తాం. ఈ విషయంపై మనకు స్పష్టం ఉంది’ అని మంత్రి తెలిపారు. సిక్కు యాత్రికుల కోసం కర్తార్‌పూర్ సరిహద్దును తెరవనున్నట్టు వచ్చిన వార్తలను మంత్రి దృష్టికి తీసుకురాగా అలాంటి ప్రతిపాదన ఏదీ రాలేదని అన్నారు. కొండలు, గుట్టలు, పర్వత శ్రేణులు, మైదాన ప్రాంతాలను కలుపుతూ ఉన్న దేశ సరిహద్దులో చొరబాట్లను కట్టడి చేయడానికి ఒకే విధమైన విధానం అమలు కష్టమని ఆయన అన్నారు. ఈ సదస్సుకు రక్షణశాఖ అధికారులు, సైనిక ప్రతినిధులు, వ్యాపారవేత్తలు, సరిహద్దు ప్రాంతాల గ్రామాల సర్పంచ్‌ల బృందం హాజరైంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.