జాతీయ వార్తలు
ఆస్కార్‌కు ‘విలేజ్ రాక్‌స్టార్’
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 22: రిమాదాస్ దర్శకత్వంలో రూపొంది ఇప్పటికే నేషనల్ అవార్డును సాధించిన ఫీచర్ ఫిల్మ్ ‘విలేజ్ రాక్‌స్టార్’ వచ్చే సంవత్సరం జరగనున్న 91వ అకాడమీ (ఆస్కార్) అవార్డుల పోటీలో ఉత్తమ విదేశీ భాషా చిత్రం కేటగిరీలో భారత్ తరపున పోటీ పడటానికి ఎంపికయింది. ఫిల్మ్ ఫెడరేషన్ ఆఫ్ ఇండియా (ఎఫ్‌ఎఫ్‌ఐ) శనివారం ఈ విషయాన్ని ప్రకటించింది. కడు పేదరికాన్ని అనుభవించి, తన కాళ్లపై తాను నిలబడటం నేర్చుకున్న ధును అనే బాలికకు సంబంధించిన కథే విలేజ్ రాక్‌స్టార్. ఏదో ఒక రోజు రాక్ బ్యాండ్‌ను ఏర్పాటు చేయాలని, తనకంటూ ఓ గిటార్ ఉండాలని ధును కన్న కలలు నిజం కాకుండా ఆమె పేదరికం అడ్డుకోలేకపోయింది. స్ఫూర్తివంతమయిన ఈ ఫీచర్ ఫిల్మ్‌ను ఆస్కార్ అవార్డుల పోటీకి ఎంపిక చేసినట్లు ఎఫ్‌ఎఫ్‌ఐలోని ఆస్కార్ అవార్డుల ఎంపిక కమిటీ చైర్మన్ రాజేంద్ర సింగ్ బాబు తెలిపారు. 2017లో టొరొంటోలో జరిగిన అంతర్జాతీయ చలన చిత్రోత్సవంలో ఈ చిత్రాన్ని ప్రదర్శించారు. ఇప్పటివరకు 70కి పైగా అంతర్జాతీయ, జాతీయ చలన చిత్రోత్సవాలలో ఈ చిత్రాన్ని ప్రదర్శించారు. ఇప్పటి వరకు ఏ భారతీయ చిత్రం కూడా ఆస్కార్‌ను సొంతం చేసుకోలేకపోయింది.
అయితే, ఆస్కార్ అవార్డుల పోటీలో ఇప్పటి వరకు మొత్తం అయిదు భారతీయ చిత్రాలు ఉత్తమ విదేశీ భాషా చిత్రాల కేటగిరీలో మేటి అయిదు చిత్రాల జాబితాలో చోటు సంపాదించుకున్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.