జాతీయ వార్తలు
ప్రధాని మోదీకి ఓటమి భయం
S ,7 à 8 RSCA (si SASPAS) et 6 cialis pharmacie cialis rapports de stage.
అహ్మదాబాద్, జనవరి 21: ప్రతి పక్షాల మహాకూటమి ఐక్యతపై ప్రధాని నరేంద్రమోదీకి భయం పట్టుకుందని కాంగ్రెస్ సీనియర్ నాయకుడు అహ్మద్ పటేల్ అన్నారు. కోల్‌కతాలో ఇటీవల జరిగిన ర్యాలీపై ఆయన చేసిన విమర్శలు, భావోద్వేగాన్ని బట్టి చూస్తే ఈ విషయం స్పష్టమవుతుందని పేర్కొన్నారు. తన ప్రతి ప్రసంగంలోనూ విపక్షాల మహాకూటమి గురించే మోదీ మాట్లాడుతున్నారని, ఆయన మనసులో భయం పట్టుకుందని చెప్పడానికి ఇంతకు మించిన నిదర్శనం అవసరం లేదని అహ్మద్‌పటేల్ వ్యాఖ్యానించారు. గతంలో ఎన్నడూ లేని రీతిలో మోదీ మాటల్లోనూ, హావభావాల్లోనూ ఈ భయం ద్యోతకమవుతుందని అహ్మద్‌పటేల్ అన్నారు. సోమవారం పార్టీ కార్యకర్తలను ఉద్దేశించి మాట్లాడిన ఆయన రానున్న లోక్‌సభ ఎన్నికల్లో బీజేపీ పరాజయం తథ్యమని స్పష్టం చేశారు. రైతుల నుంచి మైనార్టీల వరకు సమాజంలోని అన్ని వర్గాలు మోదీ పాలనతో విసుగెత్తిపోయాయని అహ్మద్ పటేల్ తెలిపారు. అవినీతి, ద్రవ్యోల్బణం, నిరుద్యోగం ఈ నాలుగేళ్లలో ప్రబలం అయ్యాయని ఆరోపించిన అహ్మద్ పటేల్ బీజేపీ అధ్యక్షుడు అమిత్‌షాపై కూడా విరుచుకుపడ్డారు. యాభై ఏళ్ల పాటు ఇక దేశంలో బీజేపీదే అధికారం అంటూ అమిత్ షా చేసిన వ్యాఖ్యలను ప్రస్తావించిన అహ్మద్ పటేల్ ‘రానున్న లోక్‌సభ ఎన్నికల్లో బీజేపీ గెలవకపోతే రెండు వందల సంవత్సరాల పాటు ఆ పార్టీ అధికారంలోకే రాదు’ అన్నారు. ఈ నాలుగున్నరేళ్ల కాలంలో దేశానికి ఏం చేయలేకపోయారు కాబట్టే బీజేపీకి ఓటమి భయం పట్టుకుందని వ్యాఖ్యానించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.