జాతీయ వార్తలు
అబద్ధాలకోరు కాంగ్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
గౌహతి, మార్చి 24: అబద్ధాలు చెప్పడం, వాటితో ఎన్నికల్లో ప్రజల అభిమానంతో లబ్ధి పొందాలని ప్రయత్నిస్తున్న కాంగ్రెస్ పార్టీ పాకిస్తాన్‌లో పోటీ చేస్తే తప్పకుండా విజయం సాధిస్తుందని బీజేపీ ప్రధాన కార్యదర్శి రామ్ మాధవ్ వ్యాఖ్యానించారు. పొరుగు దేశం పాక్ కంటే ఎక్కువగానే కాంగ్రెస్ నాయకులు అబద్ధాలతో కూడిన ప్రకటనలు చేయడంలో దిట్టలుగా తయారయ్యారని ఆయన పేర్కొన్నారు. ‘వాళ్ల వ్యాఖ్యలు, విమర్శలు చూస్తుంటే మన దేశం కంటే పొరుగున ఉన్న పాకిస్తాన్‌లో విస్తృత ప్రచారం జరగడానికి ఆస్కారం ఉంది. ఇపుడు అక్కడ ఎన్నికల్లో పోటీ చేస్తే కాంగ్రెస్ తప్పకుండా విజయం సాధిస్తుందని. ఇదీ ప్రస్తుతం మన దేశంలోని ప్రధాన ప్రతిపక్షం తీరు’ అని రామ్ మాధవ్ ఆదివారం ఇక్కడ మీడియా ప్రతినిధులతో మాట్లాడుతూ వ్యాఖ్యానించారు. ‘కేంద్రంలోని బీజేపీ ప్రభుత్వం చేపడుతున్న ఏ అంశంపై కూడా కాంగ్రెస్ పోరాడడం లేదు. కేవలం మా నాయకుడు, మా పార్టీపైనే దృష్టి సారించింది. ఇది ఒకరకంగా చూసుకుంటే అబద్ధాలు చెప్పడంలో దిట్ట అయిన పాకిస్తాన్‌తో సమానం’ అని ఆయన పేర్కొన్నారు. కాంగ్రెస్ పార్టీ ‘ఆధారాలు లేని వాటిపై పోరాడుతోంది’ అని ఆయన వ్యాఖ్యానించారు. కాంగ్రెస్ పార్టీ అసలు మన దేశం కోసం పోరాడుతోందా? లేదా పాకిస్తాన్‌పైన అన్నది ప్రజలు అర్ధం చేసుకోలేకపోతున్నారని ఆయన అన్నారు. భారత జవాన్ల త్యాగాలపై కూడా కాంగ్రెస్ నాయకులు సందేహాలు, అనుమానాలు వ్యక్తం చేస్తున్నారని, కేంద్ర ప్రభుత్వం సాధించిన విజయాలపై ప్రశ్నించకుండా కేవలం సాయుధ జవాన్ల త్యాగాలను అవమానించేలా వ్యాఖ్యలు చేస్తున్నారని ఆయన మండిపడ్డారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.