జాతీయ వార్తలు
షిర్డి సాయి జన్మస్థల వివాదం
S ,7 à 8 RSCA (si SASPAS) et 6 cialis pharmacie cialis rapports de stage.
షిర్డి, జనవరి 18: షిర్డి సాయిబాబా జన్మస్థలంపై మహారాష్ట్ర ముఖ్యమంత్రి ఉద్ధవ్ థాక్రే చేసిన వివాదస్పద ప్రకటన అలజడి రేపుతోంది. దీనికి నిరసనగా ఆదివారం బంద్ జరపాలని స్థానికులు పిలుపునిచ్చారు. 19వ శతాబ్దానికి చెందిన షిర్డి సాయిబాబా జన్మస్థలం పర్బనీ జిల్లాలోని పత్రి ప్రాంతం అని మహారాష్ట్ర ముఖ్యమంత్రి ఉద్ధవ్ థాక్రే ప్రకటించడంతో ఈ వివాదం తలెత్తింది. వెంటనే ఈ ప్రకటనను ముఖ్యమంత్రి ఉపసంహరించుకోవాలని స్థానికులు డిమాండ్ చేస్తున్నారు. అహ్మద్‌నగర్ జిల్లాలోని షిర్డి ప్రాంతంలోనే తన జీవితంలోని ఎక్కువ భాగాన్ని సాయిబాబా గడిపారు. దేశవ్యాప్తంగా అన్ని రకాల ప్రజలు వేలాదిగా రోజు వారీగా షిర్డి సాయిబాబా దర్శనానికి వస్తారన్న విషయం
తెలిసిందే. షిర్డిలోనే కాకుండా దాని పరిసర గ్రామాల్లోనూ బంద్ పాటిస్తామని సంబంధిత వర్గాలు తెలిపాయి. ఇదిలాఉండగా భక్తుల కోసం ఆలయాన్ని తెరిచే ఉంచుతామని ఆలయ ట్రస్టు సీఇవో దీపక్ ముగాలికర్ తెలిపారు. ముఖ్యమంత్రి ప్రకటన పట్ల తీవ్ర ఆగ్రహాన్ని వ్యక్తం చేస్తున్న స్థానికులు, నాయకులు ‘షిర్డి సాయిబాబా ఎక్కడ పుట్టారన్నది ఎవరికీ తెలియదు, అంత మాత్రాన పత్రి ప్రాంతమే ఆయన జన్మస్థలం అని చెప్పడానికి ఎంత మాత్రమూ వీల్లేదు’ అని స్పష్టం చేశారు. కాగా ఈ వివాదం శృతి మించకుండా సంబంధిత వర్గాలతో ముఖ్యమంత్రి థాక్రే సోమవారం చర్చలు జరుపుతారని ఆయన కార్యాలయం శనివారం రాత్రి పొద్దుపోయిన తర్వాత ఓ ప్రకటన జారీ చేసింది.
'చిత్రం... షిర్డి సాయిబాబా
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.