రాష్ట్రీయం
‘కింగ్‌మేకర్’పైనే దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, ఏప్రిల్ 16: కర్నాటక అసెంబ్లీ ఎన్నికల తేదీ సమీపించేకొద్దీ అధికారం నిలబెట్టుకునేందుకు కాంగ్రెస్ మళ్లీ పీఠం ఎక్కాలన్న బీజేపీ వ్యూహ ప్రతివ్యూహాలు మరింత పదునెక్కుతున్నాయి. తాజాగా జరిగిన సర్వేలో ఏ పార్టీకి మెజార్టీ రాదన్న సంకేతాలు వెలువడటంతో అధికారంలోవున్న కాంగ్రెస్ మరింతగా అప్రమత్తమైంది. బీజేపీ సైతం తనదైన శైలిలో మిత్రపక్షాల వేటలో పడింది. ఎన్నికల అనంతర స్థితిలో జేడీఎస్ కింగ్‌మేకర్‌గా అవతరించే అవకాశం ఉండటంతో ఆ పార్టీని మచ్చిక చేసుకునే దిశగా కాంగ్రెస్, బీజేపీలు ఆచితూచి అడుగులేస్తున్నాయి. ఏ పార్టీకీ మెజారిటీ రాని పరిస్థితుల్లో పగ్గాలు చేపట్టాలంటే జెడీఎస్ మద్దతే కీలకం అవుతుంది కనుక దానికి అనుగుణంగానే పావులు కదుపుతున్నాయి. కాంగ్రెస్, బీజేపీలకు మెజార్టీలేని పరిస్థితుల్లో దేవెగౌడ సారథ్యంలోని జేడీఎస్‌దే కీలక పాత్ర అవుతుందన్న సంకేతాల నేపథ్యంలో ఆ పార్టీతో పొత్తుకు సంబంధించి కాంగ్రెస్ నాయకత్వం ఆచితూచి అడుగులేస్తోంది. ఈ నేపథ్యంలోనే ఎన్నికల అనంతర పరిస్థితుల్లో బలమైన మిత్రుల చేయూత కావాలంటే గౌడ నాయకత్వాన్ని విమర్శించడం మానుకోవాలంటూ కాంగ్రెస్ అధ్యక్షుడు రాహుల్ గాంధీకి జెడీ (సెక్యులర్) నాయకులు విజ్ఞప్తి చేశారు. తమ పార్టీ కర్నాటకకే పరిమితమైనప్పటికీ తమకంటూ బలమైన ఓటు బ్యాంకు ఉందని జెడీ(ఎస్) నాయకుడు దేవెగౌడ స్పష్టం చేయడంతో దాంతో ఎన్నికల అనంతర పొత్తుపై కాంగ్రెస్ ఇప్పటినుంచే దృష్టి సారించింది. ముఖ్యంగా జేడీ(ఎస్)కు తమ మద్దతు ఉంటుందని మజ్లిస్ నాయకుడు అసదుద్దీన్ ఒవైసీ చెప్పడంతో రాష్ట్ర రాజకీయాలు కొత్త మలుపు తిరిగాయి. తమకు కర్నాటకలో కూడా మంచి పట్టుందని, రానున్న ఎన్నికల్లో అభ్యర్థులను నిలబెట్టకుండా జెడీ(ఎస్) నాయకుడు, మాజీ ముఖ్యమంత్రి హెచ్‌డి కుమారస్వామికి మద్దతుగా ప్రచారం చేస్తామని ఓవైసీ తెలిపారు. ఏ పార్టీకి మెజారిటీ రాని పరిస్థితుల్లో ముందస్తు పొత్తులకంటే అనంతర పొత్తులకే ప్రాధాన్యత ఉంటుంది కాబట్టి అటు కాంగ్రెస్, బీజేపీలు తానొవ్వక, నొప్పింపక అన్న రీతిలోనే జెడీ (ఎస్) పట్ల వ్యవహరించే పరిస్థితి ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.