జాతీయ వార్తలు
చట్టసభల కర్తవ్యం.. హక్కుల పరిరక్షణే!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: ప్రజల హక్కులను పరిరక్షించడమే చట్టసభల ప్రధాన కర్తవ్యమని తెలంగాణ రాష్ట్ర శాసనసభ స్పీకర్ మధుసూదనాచారి పేర్కొన్నారు. సోమవారం పార్లమెంట్‌లో లోక్‌సభ స్పీకర్ సుమిత్రా మహాజన్ అధ్యక్షతన కామన్‌వెల్త్ దేశాల పార్లమెంటరీ సదస్సుకు సంబంధించిన సమీక్షా సమావేశం జరిగింది. ఈ సమావేశానికి దేశంలోని అన్ని రాష్ట్రాల నుంచి శాసనసభ స్పీకర్లు, మండలి చైర్మన్లు, కార్యదర్శులు పాల్గొన్నారు. తెలంగాణ నుంచి మధుసూదనాచారి, స్వామిగౌడ్, వి.నర్సింహాచార్యులు హాజరయ్యారు. చట్టసభల్లో అనుసరించాల్సిన అంశాలపై ఈ సమావేశంలో చర్చించారు. అనంతరం మధుసూదనాచారి మాట్లాడుతూ సమాజంలో అసమానతలు లేకుండా ప్రజల ఆకాంక్షలకు అనుగుణంగా విధివిధానాలను రూపొందించి చట్టాలను అమలు చేయడమే లక్ష్యంగా సమావేశంలో చర్చించామని వెల్లడించారు. గత ఫిబ్రవరిలో బిహార్‌లోని బుద్ధగయలో జరిగిన కామన్‌వెల్త్ దేశాల పార్లమెంటరీ సమావేశంలో తీసుకున్న నిర్ణయాలపై సోమవారం జరిగిన సమావేశంలో సమీక్షించినట్టు తెలిపారు. తదుపరి సదస్సు ముంబయిలో నిర్వహించాలని నిర్ణయం తీసుకున్నట్టు తెలిపారు. తెలంగాణలో పర్యటించాలని సుమిత్రా మహాజన్‌కు విజ్ఞప్తి చేయగా సానుకులంగా స్పందిచారని ఆయన వెల్లడించారు. స్వామిగౌడ్ మాట్లాడుతూ దేశంలోని వివిధ రాష్ట్రాల శాసనసభ స్పీకర్లు, మండలి చైర్మన్లతో ఎప్పటికప్పుడు వీడియో కాన్ఫరెన్సులు నిర్వహిస్తే బాగుంటుందని సూచించినట్టు చెప్పారు. ప్రస్తుతం దేశవ్యాప్తంగా చట్టసభల్లో ఎదురవుతున్న సమస్యలను పరిష్కరించేందుకు ఈ కాన్ఫరెన్స్ ఉపయోగపడుతుందని వివరించామని మండలి చైర్మన్ చెప్పారు. దీనికి సుమిత్రా మహాజన్ సానుకూలంగా స్పందించారని పేర్కొన్నారు.
ఘనంగా పూలే, అంబేద్కర్ జయంతి
మహాత్మా జ్యోతిబా పూలే, డాక్టర్ బీఆర్ అంబేద్కర్ జయంతి వేడుకలు సోమవారం ఢిల్లీలోని తెలంగాణ భవన్‌లో ఘనంగా నిర్వహించారు. బీసీ వెల్ఫేర్ అసోసియేషన్ ఆధ్వర్యంలో జరిగిన ఈ కార్యక్రమంలో తెలంగాణ శాసన మండలి చైర్మన్ స్వామిగౌడ్, శాసన సభాపతి మధుసూదనాచారి పాల్గొన్నారు. స్వామిగౌడ్ మాట్లాడుతూ జ్యోతిబా పూలే, అంబేద్కర్ దేశానికి మార్గదర్శనం చేశారని పేర్కొన్నారు. రాజ్యాంగ నిర్మాత అంబేద్కర్‌ను అన్ని వర్గాల ప్రజలు గురువుగా ఆరాధిస్తారని, అలాగే బడుగు, బలహీన వర్గాల జీవితాల్లో వెలుగు నింపిన జ్యోతిబా పూలేను ఆదర్శవంతునిగా అంగీకరించారని స్వామిగౌడ్ పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.