జాతీయ వార్తలు
5న జీఎస్‌ఎల్‌వీ ఎఫ్-10 ప్రయోగం!
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, ఫిబ్రవరి 25 : భారత అంతరిక్ష పరిశోధనా సంస్థ ఇస్రో మరో భారీ ప్రయోగానికి సిద్ధమవుతోంది. పీఎస్‌ఎల్‌వీ రాకెట్ ప్రయోగాలలో ఎదురులేని శక్తిగా ఎదిగిన ఇస్రో అదే స్ఫూర్తితో ఇప్పుడు జీఎస్‌ఎల్‌వీ సిరీస్‌పై దృష్టి పెట్టింది. బరువైన ఉపగ్రహాన్ని రోదసిలోకి మోసుకెళ్లే సామర్ధ్యం కలిగిన జీఎస్‌ఎల్‌వీ అంతరిక్ష వాహన నౌకలలో స్వీయ పరిజ్ఞానాన్ని సాధించిన ఇస్రో ఇప్పుడు ఆ ప్రయోగాల పరంపరపై గురిపెట్టింది. విశ్వ వినువీధుల్లో సుదూర లక్ష్యాన్ని చేరుకోగలిగిన జీఎస్‌ఎల్‌వీ వాహక నౌక ద్వారా చంద్రయాన్‌కు సిద్ధమవుతున్న ఇస్రో మార్చి 5న జీఎస్‌ఎల్‌వీ ఎఫ్-10 ప్రయోగం చేపట్టేందుకు సన్నద్ధమవుతోంది. శ్రీపొట్టిశ్రీరాములు నెల్లూరు జిల్లాలోని శ్రీహరికోట లోని సతీష్ ధావన్ స్పేస్ సెంటర్ (షార్) నుంచి మార్చి 5న జీఎస్‌ఎల్‌వీ ఎఫ్-10 వాహక నౌకను నింగిలోకి పంపేందుకు షార్ శాస్తవ్రేత్తలు సన్నా హాలు చేస్తున్నారు. ఇప్పటికే జీఎస్‌ఎల్‌వి వాహక నౌక అనుసంధానం పూర్తి కావచ్చింది. ఉపగ్రహాన్ని అనుసంధానం చేయాల్సి ఉంది. దీని ద్వారా 2300 కిలోల బరువుగల జీ శాట్-1 ఉపగ్రహాన్ని నిర్ణీత కక్ష్యలోకి ప్రవేశపెట్టనున్నారు. ఇప్పటికే ఇంధనం నింపే పనుల్లో శాస్తవ్రేత్తలు నిమగ్నం అయ్యారు. తాజాగా ఇస్రో చేపట్టనున్న జీఎస్‌ఎల్‌వీ ఎఫ్-10 ప్రయోగం వల్ల మరోప్రయోగం వాయిదా పడే పరిస్థితి నెలకొంది. షార్ నుంచి వచ్చే నెల 18న ప్రయోగించ తలపెట్టిన పీఎస్‌ఎల్‌వీ సి-49 ప్రయోగం వాయిదా పడే అవకాశాలు ఉన్నట్లు శాస్తవ్రేత్తలు అనుమానం వ్యక్తం చేస్తున్నారు. పీఎస్‌ఎల్‌వీ సి-49ద్వారా రీశాట్ ఉపగ్రహాన్ని కక్ష్యలోకి పంపాల్సి ఉంది. ప్రస్తుతం జీఎస్‌ఎల్‌వీ ప్రయోగం కారణంగా పీఎస్‌ఎల్‌వీ సి-49 ప్రయోగం ఏప్రిల్ మొదటి వారానికి వాయిదా వేయాలని శాస్తవ్రేత్తలు నిర్ణయం తీసుకున్నట్లు సమాచారం.
*చిత్రం... ప్రయోగానికి సిద్ధమవుతున్న జీఎస్‌ఎల్‌వీ ఎఫ్-10
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.