జాతీయ వార్తలు
రామ్మోహన్‌రావుకు గుండెపోటు
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 24: తమిళనాడు ప్రభుత్వ మాజీ ప్రధాన కార్యదర్శి పి రామ్మోహన్‌రావు గుండెపోటు రావడంతో చెన్నైలోని ఓ ప్రైవేటు ఆసుపత్రిలో చేరారు. ఆదాయపన్ను అధికారులు ఇటీవల రామ్మోహన్‌రావు, ఆయన బంధువుల ఇళ్లపై దాడులచేసి పెద్ద మొత్తంలో నగదు, బంగారం స్వాధీనం చేసుకున్న సంగతి తెలిసిందే. ఈ నేపథ్యంలో ఆయనను సస్పెండ్ చేశారు. శనివారం తెల్లవారుజామున 1 గంటల సమయంలో రామ్మోహన్ రావుకు చాతినొప్పి రావడంతో శ్రీరామచంద్రా ఆసుపత్రిలో చేర్చారు. ‘చాతినొప్పితో తీవ్ర అస్వస్థతకు గురైన రావును ఆసుపత్రికి తీసుకొచ్చారు. వైద్యులు ఆయనకు చికిత్స అందిస్తున్నారు’ అని ఆసుపత్రి వర్గాలు వెల్లడించాయి. వైద్య నిపుణుల పర్యవేక్షణలో ఉంచి మాజీ సిఎస్‌ను పరీక్షిస్తున్నట్టు వారు తెలిపారు. పెద్దనోట్ల రద్దు తరువాత ఐటి అధికారులు జరిపిన దాడుల్లో రామ్మోహన్‌రావు వద్ద భారీ ఎత్తున నగదు, బంగారం లభించింది. ఆయన బంధువుల ఇళ్లపైనా ఐటి దాడులు జరిగాయి. పెద్దఎత్తున అధికార దుర్వినియోగానికి పాల్పడి ఆస్తులు కూడబెట్టారని ఆయనపై ఆరోపణలు వెల్లువెత్తాయి. దీన్ని తీవ్రంగా పరిగణించిన తమిళనాడు ప్రభుత్వం ఈ నెల 22న సిఎస్ పదవి నుంచి తప్పించి అడిషనల్ చీఫ్ సెక్రెటరీ గిరిజా వైద్యనాథన్‌ను నియమించారు. అన్నానగర్‌లోని రావు నివాసం, కుమారుడు, బంధువుల ఇళ్లపై ఐటి దాడులు జరిగాయి. రామ్మోహన్‌రావు ఇల్లు, కార్యాలయంపై జరిపిన దాడుల్లో 30 లక్షల రూపాయల కొత్త నోట్లు, ఐదు కిలోల బంగారం దొరికింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.