రాష్ట్రీయం
పొత్తులపై త్వరలోనే స్పష్టత
S ,7 à 8 RSCA (si SASPAS) et 6 cialis pharmacie cialis rapports de stage.
* ఢిల్లీలో సీనియర్ నేతలతో కుంతియా, ఉత్తమ్ భేటీ
న్యూఢిల్లీ, అక్టోబర్ 17: కాంగ్రెస్ నుంచి టికెట్ రానివారు నిరాశ చెందవద్దని, అధికారంలోకి వచ్చిన తరువాత పదవులిచ్చి వారికి న్యాయం చేస్తామని తెలంగాణ రాష్ట్ర కాంగ్రెస్ వ్యవహారాల ఇంచార్జ్ ఆర్‌సీ కుంతియా వెల్లడించారు. తెలంగాణ పీసీసీ అధ్యక్షుడు ఉత్తమ్ కుమార్ రెడ్డితో కలిసి పార్టీ సీనియర్ నాయకులు గులాం నబీ ఆజాద్, ఏకే ఆంటోనీలను కలిసి పార్టీ పరిస్థితి, మహాకుటమి ఏర్పాటు, సీట్ల సర్దుబాటు తదితర అంశాలపై చర్చించారు. ఇటీవలి కాలంలో మహాకూటమిలో ఉన్న తెలుగుదేశం, సీపీఐ, తెలంగాణ జన సమితి నాయకులతో చర్చించిన అంశాలను పార్టీ పెద్దల దృష్టికి తీసుకెళ్లారు. దీంతో మహాకూటమిలో సీట్ల సర్దుబాటు, పొత్తుల ఖారారుకు సంబంధించిన మార్గదర్శకాలపై ఉత్తమ్ కుమార్ రెడ్డికి గులామ్ నబీ ఆజాద్ మరింత స్పష్టత ఇచ్చినట్టు తెలిసింది. దీంతో రెండు మూడు రోజుల్లో సీట్ల సర్దుబాటు, పొత్తుల ఖరారు ఓ కొలిక్కి వచ్చే అవకాశం ఉంది. మరోవైపు ఈ సమావేశం అనంతరం కుంతియా విలేఖరులతో మాట్లాడుతూ మహాకూటమిలో పార్టీల మధ్య చర్చలు సానుకూలంగా సాగుతున్నాయని, త్వరలోనే సీట్ల సర్దుబాటు ఓ కొలిక్కి వస్తుందనే ఆశాభావం వ్యక్తం చేశారు. తెలంగాణ జన సమితి, కాంగ్రెస్ పార్టీ మధ్య సీట్ల సర్దుబాటు విషయంలో జరుగుతున్న దుష్ప్రచారాన్ని నమ్మవద్దని పార్టీ శ్రేణులకు ఆయన పిలుపునిచ్చారు. తెలంగాణ జన సమితి నాయకుడు కోదండరాంతో మూడుసార్లు చర్చలు జరిపినట్టు తెలిపారు. ఈ నెల 20న రాష్ట్రంలో పార్టీ అధ్యక్షుడు రాహుల్ గాంధీ పర్యటిస్తారని, త్వరలోనే సోనియాగాంధీ కూడా పర్యటించనున్నట్టు వెల్లడించారు. ప్రతి నియోజకవర్గంలో కాంగ్రెస్ పార్టీ నుంచి ఇద్దరు ముగ్గురు బలమైన అభ్యర్థులున్నారని, పార్టీకోసం పనిచేస్తున్న అందరికీ న్యాయం చేస్తామని వెల్లడించారు. టికెట్ రానివారు నిరాశ చెందాల్సిన అవసరం లేదని, అధికారంలోకి రాగానే పార్టీ లేదా ప్రభుత్వంలో పదపులిచ్చి న్యాయం చేస్తామని కుంతియా స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.