నేర్చుకుందాం

దురితలతా నుసారి భవ దుఃఖ కదంబము రామ నామ భీ
కరతర హేతిచే దెగి వక్తావకలై చనకుండ నేర్చునే
దరికొని మండుచుండు శిఖి దార్కొనినన్ శలభాది కీటకో
త్కరము విలీనమై చనదె, దాశరథీ కరుణాపయోనిధీ

భావము: దశరథరామా! పాపము తీగలవలె - అనుసరించి రాగా దానితో కూడా సాగు దుఃఖాత్మకమైన జన్మ పరంపర వాడియైన ఖడ్గము చేత తీగ ముక్కలైనట్లు రామనామము చేత నశించి పటాపంచలవుతుంది. అంటుకుని మండుచున్న అగ్నికి దగ్గరగా వచ్చిన మిడుతలు మొదలైన పురుగుల సమూహము ఆ అగ్నిలో పడి నశించదా! నశించునని భావము.

దాశరథీ శతకములోని పద్యము