రాష్ట్రీయం
12.5వేల ఎకరాల్లో నిమ్జ్
S ,7 à 8 RSCA (si SASPAS) et 6 cialis pharmacie cialis rapports de stage.
నెలలో 3.5 వేల ఎకరాల భూసేకరణ
సమీక్షలో పరిశ్రమల మంత్రి జూపల్లి
హైదరాబాద్, డిసెంబర్ 28: తయారీ పరిశ్రమల కేంద్రం నిమ్జ్ ఏర్పాటుకు కేంద్రం సూత్రప్రాయంగా అంగీకారం తెలపడంతో రాష్ట్ర ప్రభుత్వం భూసేకరణపై దృష్టి సారించింది. నెల రోజుల్లో 3500 ఎకరాల భూమిని సేకరించనున్నట్టు పరిశ్రమల మంత్రి జూపల్లి కృష్ణారావు వెల్లడించారు. భూసేకరణ కోసం ల్యాండ్ అక్విజేషన్ యూనిట్ ఏర్పాటు చేస్తామని, యూనిట్ ఆధ్వర్యంలో త్వరితగతిన భూసేకరణ జరపనున్నట్టు తెలిపారు. దేశంలో తొలి నిమ్జ్ తెలంగాణలో ప్రారంభమవుతోంది. కేంద్రం మంజూరు చేసిన నిమ్జ్‌లో 40వేల కోట్ల పెట్టుబడులు పెడతారు. లక్షమందికి ప్రత్యక్షంగా ఉపాధి లభిస్తుంది. నిమ్జ్‌కోసం మొత్తం 12.5వేల ఎకరాల భూమి సేకరించనున్నట్టు తెలిపారు. జనవరి 2016 చివరి నాటికి 3500 ఎకరాల భూమి సేకరించనున్నట్టు చెప్పారు. నిమ్జ్ ట్రాక్టర్లు, యంత్రాల వంటి పలు తయారీ పరిశ్రమల కేంద్రంగా ఉంటుంది. గతంలోనే నిమ్జ్‌ను మంజూరు చేయగా, ఇప్పుడు కార్యరూపం దాలుస్తోంది. సోమవారం జరిగిన టిఎస్‌ఐఐసి సమీక్షా సమావేశంలో నిమ్జ్ కోసం భూసేకరణపై సమీక్ష జరిపారు. భూసేకరణ వేగవంతం చేయాలని, దాని కోసం ప్రత్యేక వ్యవస్థ ఏర్పాటు చేయాలని నిర్ణయించారు.
నత్తనడకలో ఫార్మాసిటీ పనులు
ఫార్మాసిటీకి సంబంధించిన పనులు నత్తనడక సాగుతున్నాయని మంత్రి జూపల్లి కృష్ణారావు అధికారులపై అసంతృప్తి వ్యక్తం చేశారు. ఫార్మాసిటీ కోసం మాస్టర్ ప్లాన్ సిద్ధమైందని, పనులు వేగంగా సాగడం లేదన్నారు. దీనికి సంబంధించి గ్లోబల్ టెండర్లు పిలువనున్నట్టు చెప్పారు. మార్చి 2016నాటికి టెండర్లు ఖరారు కావాలన్నారు. ఇప్పటి వరకు ఫార్మాసిటీకి 800 ఎకరాల భూమి అప్పగించినట్టు చెప్పారు. తహిల్దార్లు, ఎంఆర్‌ఓలు, ఆర్డీవోలతో వెంటనే సమావేశాన్ని నిర్వహించి ఆరునెలల కాలంలో చేసిన పనిపై నివేదిక తీసుకోవాలని కృష్ణారావు ఆదేశించారు. ఫార్మాసిటీ భూసేకరణపై మంత్రి అసంతృప్తి వ్యక్తం చేశారు. నిమ్జ్ మెదక్, ఫార్మాసిటీల భూసేకరణపై ఈనెల 31న ప్రత్యేక సమావేశం నిర్వహించాలని జూపల్లి కృష్ణారావు అధికారులను ఆదేశించారు. అన్ని జిల్లా కేంద్రాల్లో స్కిల్ డెవలప్‌మెంట్ సెంటర్లు ఏర్పాటుచేసి, యువతకు శిక్షణ ఇవ్వాలని చెప్పారు. పరిశ్రలకు అవసరమైనవారు సిద్ధంగా ఉండేలా శిక్షణ ఉండాలన్నారు. ఫుడ్ పార్క్‌లపై సమీక్ష జరిపారు. జాతీయ రహదారులకు ఒకటి రెండు కిలోమీటర్ల దూరంలోనే పరిశ్రమల కారిడార్ ఉండాలన్నారు. కరీంనగర్, వరంగల్, మెదక్, నిజామాబాద్, మహబూబ్‌నగర్ జిల్లాల్లో వరుసగా పర్యటించి పరిశ్రమల పురోగతి పరిశీలించనున్నట్టు జూపల్లి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.