రాష్ట్రీయం
ఇక పోస్టల్ బ్యాంకులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 22: వచ్చే ఏడాది మార్చి నుంచి పోస్టల్ పేమెంట్ (లావాదేవీ) బ్యాంకులు ప్రారంభమవుతాయని కేంద్ర కమ్యూనికేషన్లు, ఐటి శాఖ మంత్రి రవి శంకర్ ప్రసాద్ తెలిపారు. మహిళల రక్షణకు మొబైల్ ఫోన్లలో ‘ప్యానిక్ బటన్’, జిపిఎస్ వంటి విప్లవాత్మకమైన మార్పులు ప్రధాని నరేంద్ర మోదీ సారథ్యంలో రాబోతున్నాయని ఆయన చెప్పారు. ఆదివారం ఇక్కడ తపాలా శాఖ ఉన్నతాధికారులతో సమావేశమైన అనంతరం మీడియాతో మాట్లాడుతూ గ్రామీణ ప్రాంతాల్లోని పోస్టుమ్యాన్‌లకు 1.30 లక్షల నెట్‌వర్క్ ఉన్న పరికరాలు ఇవ్వనున్నామని, దీంతో బ్యాంకింగ్, ఇన్సూరెన్సులు, మెయిల్ వంటి లావాదేవీలను సులభంగా చేయడానికి వీలుంటుందని రవిశంకర్ ప్రసాద్ తెలిపారు. వీటిని తొలుత ఆరు రాష్ట్రాల్లో ప్రయోగాత్మకంగా చేపట్టనున్నామన్నారు. కోర్ బ్యాంకింగ్ చాలా ముఖ్యమైనదని, దీన్ని 230 పోస్టల్ శాఖలకు విస్తరించామని అన్నారు. కన్యా సమృద్ధి యోజన, బేటీ బచావో, భేటీ పడావో పథకం ద్వారా వెయ్యి రూపాయలు జమ చేస్తే వివాహా వయస్సు వచ్చే సరికి 2 లక్షల రూపాయలు చెల్లించనున్నట్లు చెప్పారు. పోస్టల్‌లో 85 లక్షల అకౌంట్లకు పెరిగిందని, అన్ని బ్యాంకుల్లో 4 లక్షల అకౌంట్లు ఉన్నాయని ఆయన తెలిపారు.
హెచ్-1బి, ఎల్1 వీసా..
హెచ్-1బి, ఎల్1 వీసాల ఫీజుల పెంపుగురించి అమెరికా ప్రభుత్వంతో మాట్లాడుతామని రవి శంకర్ ప్రసాద్ తెలిపారు. ప్రధాని నరేంద్ర మోదీ ఇదివరకే అమెరికా అధ్యక్షునితో మాట్లాడారన్నారు. మహిళలు ఎక్కడైనా ప్రమాదంలో చిక్కుకుంటే వెంటనే తన కుటుంబ సభ్యులకు, పోలీసులకు సమాచారం అందించేందుకు మొబైల్ పోన్లలో ప్యానిక్ బటన్ ఏర్పాటు చేయనున్నట్లు ఆయన తెలిపారు. పదిహేను, ఇరవై సంవత్సరాలుగా తాత్కాలిక ఉద్యోగులుగా పని చేస్తున్న పోస్టుమెన్లను పర్మినెంట్ చేసే విషయం పరిశీలిస్తామని ఆయన మరో ప్రశ్నకు సమాధానంగా చెప్పారు.
చిత్రం... తపాలాశాఖ ఉన్నతాధికారుల సమావేశంలో మాట్లాడుతున్న మంత్రి రవిశంకర్ ప్రసాద్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.