జాతీయ వార్తలు
ప్రతి భారతీయుడూ నిర్భయంగా జీవించాలి
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, డిసెంబర్ 13: భారతదేశం భిన్న సంస్కృతులకు నిలయమని, ప్రతి వ్యక్తి ఎలాంటి భయాలు, అనుమానాలు లేకుండా జీవించినప్పుడే సామాజిక వ్యవస్థ బలంగా ఉంటుందని రాష్టప్రతి ప్రణబ్ ముఖర్జీ అన్నారు. ఆదివారం ‘డయోసిస్ ఆఫ్ కలకత్తా’ ద్విశతాబ్ది ఉత్సవాల ముగింపు కార్యక్రమంలో రాష్టప్రతి మాట్లాడుతూ, ప్రతి మతం కూడా మానవతా విలువలనే బోధిస్తుందన్నారు. ‘క్షమాగుణం, సంయమనం, భిన్న అభిప్రాయాలను అంగీకరించడం అనేవి మన వౌలిక విలువల్లో కొన్ని. భిన్న సంస్కృతులు కలిగి ఉన్నందుకు భారత దేశం గర్విస్తోంది’ అని రాష్టప్రతి అన్నారు. భారత దేశంలో ఎన్నో మతాలు పరిఢవిల్లాయని, ఎందుకంటే అన్ని మతాలను తనలో ఇముడ్చుకునే శక్తి భారత దేశానికి ఉందని ఆయన అంటూ, రాబోయే తరాల్లో మన నాగరికతను నిర్ణయించేది అదేనని అన్నారు. ‘కులం, తెగ, మతం, ప్రాంతం అన్న తేడా లేకుండా ప్రతి వ్యక్తీ ఎలాంటి భయం, అనుమానాలు లేకుండా జీవించగలిగినప్పుడు, ప్రగతిలో భాగస్వామి ఆయినప్పుడు మన సామాజిక వ్యవస్థ బలంగా ఉంటుంది’ అని అన్నారు. ఉత్తరప్రదేశ్‌లోని దాద్రిలో ఒక వ్యక్తిని కొట్టి చంపిన ఘటన, దేశంలో అసహనం పెరిగి పోతోందన్న వాదనలపై పెద్ద ఎత్తున చర్చ జరుగుతున్న నేపథ్యంలో రాష్టప్రతి సహన శీలత, భిన్నత్వంలో ఏకత్వాన్ని కాపాడాలని ఇటీవల తరచూ పిలుపునిస్తున్న విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.