జాతీయ వార్తలు
గ్రేటర్ ఎన్నికలు జనవరిలో వద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 14: గ్రేటర్ హైదరాబాద్ నగర పాలక సంస్థకు జరగనున్న ఎన్నికల్లో విజయం సాధించటానికి తెరాస ప్రభుత్వం తీవ్రస్థాయిలో అధికార దుర్వినియోగానికి పాల్పడుతోందని బిజెపి, టిడిపిలు ఆరోపించాయి. ఈమేరకు కేంద్ర ఎన్నికల సంఘం ప్రధాన కమినర్‌ను కలిసి ఫిర్యాదు చేశాయ. సోమవారం రెండు పార్టీలకు చెందిన నేతలు ఎన్నికల కమిషనర్‌తో సమావేశమై తెలంగాణ ప్రభుత్వం దుర్వినియోగంపై ఫిర్యాదు చేశారు. ఎన్నికలను జనవరిలో నిర్వహిస్తామని మంత్రి కెటిఆర్ చేసిన ప్రకటనపై తీవ్ర అభ్యంతరం తెలిపారు. ఎన్నికలను ఎప్పుడు నిర్వహించేది చెప్పే అధికారం మంత్రి కెటిఆర్‌కు ఎవరిచ్చారో చెప్పాలని డిమాండ్ చేశారు. కాగా జనవరి పండుగ సీజన్ కాబట్టి ఎన్నికలను నిర్వహించవద్దని బిజెపి, టిడిపిలు ఇసికి చెప్పాయి. వీలున్న మేరకు వివిధ వర్గాలను ఓటింగ్ నుంచి దూరంగా ఉంచడానికి తెలంగాణ ప్రభుత్వం ప్రయత్నిస్తోందని ఈ ప్రతినిధి వర్గం ఆరోపించింది. ఎన్నికల సంఘం నిర్వహించాల్సిన బాధ్యతలను తెరాస ప్రభుత్వం నిర్వహించే ప్రయత్నం చేస్తూ ఇసిపై వత్తిడి పెంచుతోందని విమర్శించారు. ఓటర్ల జాబితా సవరణ ముసుగులో సుమారు ఏడున్నర లక్షల మంది పేర్లు తొలగించారని ప్రతినిధి వర్గం ఆరోపించారు. ఎమ్మెల్యే మాగంటి గోపీనాథ్‌ను వెనకబడిన తరగతులలో చేర్చారని ఇసి దృష్టికి తెచ్చారు. 2015 నవంబర్ 15నాటికి తయారైన ఓటర్ల జాబితాను పక్కన పెట్టి సెప్టెంబర్ 15నాటికి తయారై ఉన్న జాబితా ప్రకారం ఎన్నికలు నిర్వహించాలని డిమాండ్ చేశారు. బిజెపి మాజీ అధ్యక్షుడు ఇంద్రసేనారెడ్డి, నగర శాఖ అధ్యక్షుడు వెంకటరెడ్డి, ఎమ్మెల్సీ రామచంద్రరావు, టిడిపి ఎమ్మెల్యే ఆర్ కృష్ణయ్య, మాగంటి గోపీనాథ్, అరికేపూడి గాంధీ తదితరులు ఎన్నికల కమిషనర్లను కలిసిన బృందంలోఉన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.