జాతీయ వార్తలు
ఎవరా గుమ్‌నామీ బాబా?
S ,7 à 8 RSCA (si SASPAS) et 6 cialis pharmacie cialis rapports de stage.
లక్నో, జూన్ 29: కొన్ని సంవత్సరాలుగా ‘గుమ్‌నామీ బాబా’ ఎవరన్నదానిపై ఎనలేని ఉత్కంఠ నెలకొంటూనే వస్తోంది. భారత స్వాతంత్య్ర సమరయోధుడు నేతాజీ సుభాష్ చంద్ర బోసే ఆ గుమ్‌నామీ బాబా అన్న ప్రచారం నేపథ్యంలో వాస్తవాలను నిగ్గుతేల్చడానికి ఉత్తరప్రదేశ్ ప్రభుత్వం ఏకసభ్య దర్యాప్తు కమిషన్‌ను ఏర్పాటు చేసింది. 1985 వరకూ బోస్ గుమ్‌నామీ బాబాగా మారుపేరుతో జీవించారా లేదా అన్న విషయాన్ని విష్ణు సహాయ్ దర్యాప్తు కమిషన్ నిగ్గుతేలుస్తుంది. ఆరు నెలల్లో ఈ కమిషన్ తన నివేదికను ప్రభుత్వానికి అందించాల్సి ఉంటుంది. అలహాబాద్ హైకోర్టు ఆదేశాల ప్రకారమే తామీ ఏకసభ్య కమిషన్ ఏర్పాటు చేశామని యూపీ ప్రభుత్వఅధికారి బుధవారం వెల్లడించారు. ఇందుకు సంబంధించిన నోటిఫికేషన్‌ను ఇప్పటికే జారీ చేశామని తెలిపారు.
ఉత్తరప్రదేశ్‌లోని ఫైజాబాద్‌లో 1985 వరకూ గుమ్‌నామీ బాబా పేరుతో ఓ సాధువు ఉండేవారని ఆయనే సుభాష్ చంద్రబోస్ అంటూ విస్తృతంగానే కథనాలు వెలువడ్డాయి. 1985లో ఈ బాబా మరణం తరువాత సుభాష్ చంద్రబోస్ బంధువు లలితాబోస్ అలాగే ఫైజాబాద్ కేంద్రంగా పనిచేస్తున్న సుభాష్ చంద్రబోస్ విచార్ మంచ్ కోర్టును ఆశ్రయించింది. గుమ్‌నామీ బాబా ఎవరో తేల్చాలని కోరింది. అప్పట్లోనే ఆ బాబాకు సంబంధించిన కొన్ని వస్తువులను భద్రపరచాలని కూడా కోర్టు ఆదేశించింది. కాగా ఈ తాజా దర్యాప్తు కమిషన్ లక్నో కేంద్రంగా పనిచేస్తుందని, ఫైజాబాద్‌లోనూ దీనికో కార్యాలయం ఉంటుందని సీనియర్ అధికారి స్పష్టం చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.