అంతర్జాతీయం
‘సాగర్‌మాల’కు అమెరికా సహకారం
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఏంజిలస్, జూలై 19: భారత ప్రభుత్వం ప్రతిష్ఠాత్మకంగా చేపట్టిన సాగర్‌మాల కార్యక్రమాన్ని విజయవంతం చేయటంలో సహకరించటానికి అమెరికా అంగీకరించింది. భారత్‌లోని ఓడరేవుల అభివృద్ధికి సమగ్రమైన సహకారాన్ని అందించేందుకు ఇరుదేశాలు ఒక అవగాహనకు వచ్చాయి. భారత రహదారులు, ఓడరేవులు, రవాణా మంత్రి నితిన్ గడ్కరీ అమెరికా అధికారులతో సమావేశమై ఈ దిశగా ఫలవంతమైన చర్చలు జరిపారు. జవహర్‌లాల్ నెహ్రూ ఓడరేవులో కంటయినర్ల నిర్వహణకు సంబంధించి సాంకేతిక పరిజ్ఞానం బదిలీ, వాణిజ్యానికి సంబంధించి జాయింట్ వెంచర్ అవకాశాలపై చర్చించారు. లాంగ్‌బీచ్ ఓడరేవులో అధికారులతో చర్చలు జరిపిన గడ్కరీ భారతదేశంలో కొత్త ఓడరేవుల నిర్మాణం, అభివృద్ధి, తీరప్రాంత ఆర్థిక మండళ్ల నిర్మాణం, ప్రస్తుతం ఉన్న రేవుల్లో కొత్త టెర్మినళ్ల నిర్మాణం, ఓడల తయారీ, మరమ్మతులు వంటి అంశాలలో పెట్టుబడులు పెట్టాల్సిందిగా అమెరికా పెట్టుబడిదారులను ఆహ్వానించారు. సాగర్‌మాల ప్రాజెక్టులో 150 ప్రాజెక్టులు ఉన్నాయని, వీటిలో 50నుంచి 60 బిలియన్ డాలర్ల వౌలిక రంగంలో పెట్టుబడులకు అవకాశాలున్నాయని అన్నారు. పారిశ్రామిక అభివృద్ధిలో భాగంగా మరో వంద బిలియన్ డాలర్ల పెట్టుబడులకు అవకాశాలున్నాయని ఆయన ఇనె్వస్టర్లను ఆహ్వానించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.