జాతీయ వార్తలు
అట్టుడికిన గుజరాత్
S ,7 à 8 RSCA (si SASPAS) et 6 cialis pharmacie cialis rapports de stage.
రాజ్‌కోట్, జూలై 20: గుజరాత్‌లోని ఉనా పట్టణంలో దళిత యువకులను చితకబాదిన సంఘటనకు నిరసనగా బుధవారం దళిత సంఘాలు ఇచ్చిన రాష్ట్ర బంద్‌కు మిశ్రమ స్పందన లభించింది. కొన్ని ప్రాంతాల్లో రాస్తారోకోలు, రాళ్లురువ్విన సంఘటనలు జరిగాయి. కాగా, రాష్ట్ర ముఖ్యమంత్రి ఆనంది బెన్ పటేల్ బుధవారం బాధితుల కుటుంబ సభ్యులను కలిశారు. మరోవైపు ప్రతిపక్ష నేతలు ఉనాకు క్యూ కడుతున్నారు. కాంగ్రెస్ ఉపాధ్యక్షుడు రాహుల్ గాంధీ గురువారం పట్టణానికి రానుండగా, ఆమ్ ఆద్మీ పార్టీ జాతీయ కన్వీనర్, ఢిల్లీ ముఖ్యమంత్రి అరవింద్ కేజ్రివాల్ శుక్రవారం రానున్నారు.
బుధవారం సౌరాష్ట్ర, ఉత్తర గుజరాత్‌లోని కొన్ని ప్రాంతాలు పూర్తి బంద్‌ను పాటించాయి. అక్కడక్కడా రోడ్లపై వాహనాల రాకపోకలను అడ్డుకోవడం, రాళ్లు రువ్విన ఘటనలు జరిగాయి. మొత్తం మీద బంద్ ప్రశాంతంగా జరిగినట్లు పోలీసులు తెలిపారు. రాష్ట్రంలోని మిగతా ప్రాంతాల్లో బంద్ ప్రభావం లేదని వారు చెప్పారు.
ఈ నెల 11న ఉనా పట్టణంలో కొంతమంది దళిత యువకులు చనిపోయిన ఆవు చర్మాన్ని ఒలిచారన్న ఆరోపణపై గో రక్షా సంఘాల సభ్యులు వారిని దారుణంగా చిత్రహింసలకు గురిచేసినందుకు నిరసనగా రాష్ట్ర వ్యాప్తంగా దళిత సంఘాలు చేస్తున్న ఆందోళనలు కొనసాగుతున్నాయి. బుధవారం బంద్ సందర్భంగా రాష్టవ్య్రాప్తంగా పెద్ద సంఖ్యలో పోలీసులను మోహరించారు. సౌరాష్ట్ర ప్రాంతంలోని అమ్రేలి, జునాగఢ్ నగరాలతో పాటు ధోరజి, ధ్రోల్ లాంటి చిన్న పట్టణాల్లో సైతం పూర్తి బంద్ జరిగింది. అక్కడక్కడా కొన్ని బస్సులపై దాడి, రాళ్లు రువ్విన సంఘటనలు జరిగినట్లు తెలుస్తోంది. రాజ్‌కోట్‌లో సైతం బంద్ సందర్భంగా వీధుల్లో నిరసన ప్రదర్శనలు జరగడంతో పోలీసులు 50 మందిని అదుపులోకి తీసుకున్నారు. బంద్ దృష్ట్యా ముందు జాగ్రత్త చర్యగా అధికారులు పలు మార్గాల్లో బస్సులను నిలిపివేశారు. అహ్మదాబాద్‌లో ఆందోళనకారులు కొన్నిచోట్ల బలవంతంగా దుకాణాలను, స్కూళ్లను మూసివేయించడం కనిపించింది. కాగా, ముఖ్యమంత్రి ఆనందిబెన్ పటేల్ బుధవారం సంఘటన జరిగిన ఉనా జిల్లాలోని సమలియాల గ్రామాన్ని సందర్శించి బాధిత దళిత కుటుంబ సభ్యులను పరామర్శించారు.
బాధిత కుటుంబాలను పరామర్శిస్తున్న
సిఎం ఆనంది బెన్ పటేల్
అల్లర్లు జరిగిన ప్రాంతాల్లో గస్తీ తిరుగుతున్న గుజరాత్ పోలీస్ దళాలు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.