జాతీయ వార్తలు
షా విధేయుడే సిఎం
S ,7 à 8 RSCA (si SASPAS) et 6 cialis pharmacie cialis rapports de stage.
గాంధీనగర్, ఆగస్టు 5: అంతిమ క్షణంలో అనూహ్య మార్పులు చోటుచేసుకోవడంతో బిజెపి జాతీయ అధ్యక్షుడు అమిత్ షా విధేయుడిగా భావిస్తున్న విజయ్ రూపానీకి గుజరాత్ ముఖ్యమంత్రి పీఠం దక్కింది. ఆనందిబెన్ వారసుడిగా ఈ పదవి దక్కేది తనకేనని చివరి క్షణం వరకు ధీమాగా వున్న నితిన్ పటేల్‌కు ఉప ముఖ్యమంత్రి పదవి చిక్కింది. మొదటినుంచి కూడా ముఖ్యమంత్రి పదవి కోసం ప్రధాన పోటీదారుగా నితిన్ పటేలే నిలిచారు. అయితే, తొలిసారిగా రాష్ట్ర చరిత్రలో ఉప ముఖ్యమంత్రి పదవిని సృష్టించి ఆయనకు ఆ పదవిని అప్పగించి బుజ్జగించారు. శుక్రవారం ఇక్కడ జరిగిన బిజెపి పార్లమెంటరీ పార్టీ సమావేశంలో 61 సంవత్సరాల రూపానీని నాయకుడిగా ఎన్నుకున్నారు. ముఖ్యమంత్రిగా రూపానీ, ఉపముఖ్యమంత్రిగా నితిన్ పటేల్ పేర్లను ఆనందిబెన్ పటేల్ ప్రతిపాదించగా పలువురు ఎమ్మెల్యేలు బలపరిచారు. ఈ సమావేశానంతరం అధికారికంగా రూపానీ ఎన్నిక గురించి పరిశీలకుడుగా వచ్చిన కేంద్ర మంత్రి నితిన్ గడ్కరీ ప్రకటించారు. రాష్ట్రంలో అధికార మార్పిడి సజావుగా జరిగేందుకు స్వయంగా రంగంలోకి దిగిన అమిత్ షా, నితిన్ గడ్కరీలు విస్తృత స్థాయిలో మంతనాలు జరిపారు. శుక్రవారం సాయంత్రం 4 గంటలకు మొదలు కావాల్సిన బిజెపి శాసనసభా పక్ష సమావేశం రెండు గంటలు ఆలస్యమైంది. ఈ సమావేశానికి ముందు అత్యంత నాటకీయ పరిణామాలే చోటుచేసుకున్నాయి. ముఖ్యమంత్రి పదవి తమ నాయకుడికే దక్కుతుందని నితిన్ పటేల్ విధేయులు ఘంటాపథంగా చెబుతూ వచ్చారు. అంతేకాదు, తాను ముఖ్యమంత్రినైతే ఏ రకంగా చర్యలు తీసుకోబోతున్నానో కూడా జాతీయ చానెళ్లకు నితిన్ పటేల్ ఇంటర్వ్యూలు కూడా ఇచ్చేశారు. ఆయన ఇంట్లో మిఠాయిలు పంచుకోవడం కాదు, పూజలు కూడా జరిగిపోయాయి. సాయంత్రం 4 గంటల ప్రాంతంలో పార్టీ అధ్యక్షుడు అమిత్ షా బిజెపి కార్యాలయానికి చేరుకున్నారు. వెంటనే సమావేశాలమీద సమావేశాలు నిర్వహించారు. అనంతరం రాష్ట్ర బిజెపి అధ్యక్షుడైన విజయ్ రూపానీని ముఖ్యమంత్రిగా ఎంపిక చేసినట్లు నితిన్ గడ్కరీ అధికారికంగా ప్రకటించారు.
విజయ్ రూపానీ అమిత్ షాకు సన్నిహితుడైతే, నితిన్ పటేల్ మాజీ ముఖ్యమంత్రి ఆనంది బెన్‌కు అత్యంత సన్నిహితుడు. 1971లో జనసంఘ్‌లో చేరిన రూపాని బిజెపి ఆవిర్భావం నుంచి క్రియాశీలకంగా కొనసాగుతున్నారు.
గుజరాత్ ముఖ్యమంత్రిగా ఎన్నికైన విజయ్ రూపానీని అభినందిస్తున్న అమిత్ షా. పక్కన ఉప ముఖ్యమంత్రి నితిన్ పటేల్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.