జాతీయ వార్తలు
బరితెగించిన మైనర్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 23:దేశ రాజధాని నగరమైన ఢిల్లీలోని ఓ కోర్టు గదిలోనే సుపారీ హంతకులు బుధవారం సినిమా ఫక్కీలో తెగబడ్డారు. రెండు గ్యాంగుల మధ్య జరిగిన ఘర్షణలకు కోర్టు గదే కేంద్రమైంది. కోర్టుకు వస్తున్న తన ప్రత్యర్థిని హతమార్చేందుకు మరో ముఠా నాయకుడు ఈ మైనర్లను ఉపయోగించుకున్నాడు. ఢిల్లీలోని దక్షిణ్‌పురి, మదన్‌గిర్‌లకు చెందిన ఈ మైనర్లు జరిపిన కాల్పుల్లో తీవ్రంగా గాయపడ్డ హెడ్‌కానిస్టేబుల్ మరణించాడు. ఆగంతకులు చంపాలనుకున్న ఖైదీ ఇర్ఫాన్ తీవ్రంగా గాయపడ్డాడు. ఇర్ఫాన్ అలియాస్ చైనీ పహల్వాన్ అనే ఓ ఖైదీని తూర్పు ఢిల్లీలోని కర్కర్‌డూమా కోర్టుకు ఉదయం 11గంటలకు తీసుకొచ్చిన సమయంలో ఈ ఘటన జరిగిందని పోలీసు అధికారి ఒకరు తెలిపారు. కాంట్రాక్టు హంతకులు జరిపిన కాల్పుల్లో మరణించిన హెడ్ కానిస్టేబుల్‌ను రామ్ కన్వర్ మీనాగా గుర్తించామని, అతడికి ఏకంగా మూడు బులెట్లు తగిలాయని, అలాగే ఖైదీ ఇర్ఫాన్ అలియాస్ చైనీకి రెండు బులెట్లు తగిలాయని తెలిపారు. వీరిద్దరినీ వెంటనే ఆసుపత్రికి తరలించినా మీనా ప్రాణాలను కాపాడలేక పోయామన్నారు. ఈ సంఘటనపై హత్య, హత్యాయత్నం కేసు నమోదు డిసిపి బిఎస్ గుర్జార్ తెలిపారు. కాంట్రాక్టు కిల్లర్లు మొత్తం ఎనిమిది రౌండ్లు కాల్పులు జరిపారని, వీటిలో ఒకటి మెట్రోపాలిటన్ మెజిస్ట్రేట్ సునీల్ గుప్తా కుర్చీని దూసుకు పోయిందని తెలిపారు. కాల్పులకు పాల్పడిన తర్వాత ఆగంతకులు పారిపోయేందుకు ప్రయత్నించడంతో అక్కడ ఉన్న లాయర్లు, భద్రతా సిబ్బంది వారిని పట్టుకుని పోలీసులకు అప్పగించారు. వీరందరూ మైనర్లేనని, నగరంలోని యమునా ప్రాంతంలో హంతక ముఠా నడుపుతున్న నసీర్ అనే వ్యక్తే ఇర్ఫాన్‌ను హతమార్చేందుకు వీరిని నియమించినట్టుగా పోలీసులు తెలిపారు. తన ముఠా సభ్యులకే ఇర్ఫాన్‌ను హతమార్చే బాధ్యతను అప్పగించే అవకాశం ఉన్నా..మైనర్లకు ఈ పని చెప్పడం వల్ల చట్ట ప్రకారం వీరిపై ఎలాంటి చర్యకు ఆస్కారం ఉండదని నజీర్ భావించి ఉండవచ్చునని పోలీసులు తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.