అంతర్జాతీయం
అఫ్గాన్ భవితకు ఉగ్రవాదమే పెనుముప్పు
S ,7 à 8 RSCA (si SASPAS) et 6 cialis pharmacie cialis rapports de stage.
కాబూల్, డిసెంబర్ 25: అఫ్గానిస్తాన్ విషయంలో పాకిస్తాన్ అనుసరిస్తున్న ధోరణిపై భారత ప్రధానమంత్రి నరేంద్ర మోదీ పరోక్షంగా విరుచుకుపడ్డారు. సరిహద్దుల ఆవల నుంచి అఫ్గానిస్తాన్‌లోకి ఉగ్రవాదుల చొరబాట్లను ఆపివేసినప్పుడే, ఉగ్రవాద నర్సరీలను, అభయారణ్యాలను మూసివేసినప్పుడే అఫ్గానిస్తాన్ విజయవంతం అవుతుందని, పురోగమిస్తుందని పేర్కొంటూ పాకిస్తాన్ పేరు ప్రస్తావించకుండానే ఆ దేశంపై మోదీ తీవ్ర స్థాయిలో ధ్వజమెత్తారు.
మరో దేశంతో పోటీ పడటానికి కాకుండా అఫ్గానిస్తాన్ అభివృద్ధికి, పురోగమనానికి దోహదపడాలనే దృఢ సంకల్పంతోనే ఆ దేశానికి భారత్ సాయం చేస్తోందని ఆయన స్పష్టం చేశారు. ఉగ్రవాద మంటలను ముట్టించేందుకు, ఎగదోసేందుకు కాకుండా అఫ్గానిస్తాన్ భవిష్యత్తుకు పునాదులు వేయడానికే ఈ దేశంలో భారత్ జోక్యం చేసుకుంటోందని ఆయన తెగేసి చెప్పారు. అఫ్గానిస్తాన్ రాజధాని కాబూల్‌లో భారత్ 90 మిలియన్ డాలర్ల వ్యయంతో నిర్మించిన అధునాతనమైన, విశాలమైన భవనాన్ని మోదీ శుక్రవారం ప్రారంభించారు. భారత మాజీ ప్రధానమంత్రి అటల్ బిహారి వాజపేయి పేరిట అఫ్గానిస్తాన్ పార్లమెంటు ఆవరణలో నిర్మించిన ‘అటల్ బ్లాక్’ను కూడా మోదీ ప్రారంభించారు. అఫ్గానిస్తాన్ అధ్యక్షుడు అష్రాఫ్ ఘని కూడా ఈ కార్యక్రమాలలో పాల్గొన్నారు. అనంతరం అఫ్గానిస్తాన్ పార్లమెంటును ఉద్దేశించి మోదీ ప్రసంగిస్తూ యుద్ధ పీడిత దేశమైన అఫ్గానిస్తాన్ భవిష్యత్తును తీర్చిదిద్దడానికి ఉగ్రవాదం, హింస పనిముట్లు కాజాలవని, అవి అఫ్గాన్ ప్రజల ఇష్టాయిష్టాలను నియంత్రించజాలవని అన్నా రు. సుమారు 40 నిముషాల పాటు సాగిన మోదీ ప్రసంగం అఫ్గానిస్తాన్ పార్లమెంటు సభ్యులను అమితంగా ఆకట్టుకుంది. మధ్య మధ్యలో పలుసార్లు కార్యక్రమానికి హాజరయిన పార్లమెంటు సభ్యులు, ఇతరులు మోదీ ప్రసంగం పట్ల గట్టిగా హర్షధ్వానాలు చేస్తూ తమ ఆనందాన్ని, మద్దతును వ్యక్తం చేశారు. అఫ్గానిస్తాన్‌లో భారత్ జోక్యం పట్ల పాకిస్తాన్ వ్యక్తం చేస్తున్న అభ్యంతరాలను కూడా మోదీ పరోక్షంగా ప్రస్తావించారు. ‘మేము ఇక్కడ ఉండటం కొందరికి ఇష్టంలేదు. మేము ఇక్కడ ఉండటం వల్ల ఏదో చెడు జరుగుతోందన్న, ప్రమాదం ముంచుకొస్తోందన్న తప్పుడు భాష్యాలను తీస్తున్నవారు కొందరున్నారు. మన భాగస్వామ్యం బలపడటం పట్ల వ్యాకులతతో ఉన్నవారు మరికొందరు ఉన్నారు’ అని మోదీ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.