అంతర్జాతీయం
ఏమిటీ తాత్సారం? ఐరాసలో మండిపడ్డ భారత్
S ,7 à 8 RSCA (si SASPAS) et 6 cialis pharmacie cialis rapports de stage.
ఐరాస, నవంబర్ 8: జైషే మహ్మద్ చీఫ్ మసూద్ అజార్‌ను అంతర్జాతీయ ఉగ్రవాదిగా ప్రకటించే విషయంలో ఐరాస భద్రతా మండలిలో జరుగుతున్న జాప్యంపై భారత్ మండిపడింది. అంతర్జాతీయ ఉగ్రవాదుల జాబితాలో మసూద్‌ను చేర్చడానికి సాంకేతిక కారణాలు చూపుతూ నెలలు తరబడి తాత్సారం చేయడంపై ఐరాసలో భారత రాయబారి సయ్యద్ అక్బరుద్దీన్ తప్పుపట్టారు. జైషే మహ్మద్ ఉగ్రవాద సంస్థను నిషేధించిన ఐరాసా మసూద్‌ను ఎందుకు ఉపేక్షిస్తోందని ఆయన నిలదీశారు. మసూద్ కరుడుగట్టిన ఉగ్రవాదని, ఈ విషయం తేల్చడానికి తొమ్మిది నెలలైనా తేల్చలేదని ఆయన విమర్శించారు. ఐరాస ఉగ్రవాదుల జాబితాలో జైషే మహ్మద్ చీఫ్ మసూద్ అజార్ పేరును చేర్చడంపై చైనా తనకున్న వీటో అధికారంతో అడ్డుకుంది. సాంకేతిక కారణాలు చూపింది. ఇలాంటి అభ్యంతరాలకు ఆరునెలలతో అంటే సెప్టెంబర్‌తో గడువుతీరిపోయింది. గతంలో మసూద్‌ను రెండు సార్లు ఉగ్రవాదిగా ప్రకటించే సమయంలో చైనా అడ్డుకుంది. ఉగ్రవాదులను ఉపేక్షించడం వల్ల నిత్యం ఏదో ప్రాంతంలో విధ్వంసం సృష్టిస్తున్నారని అక్బరుద్దీన్ ఆందోళన వ్యక్తం చేశారు.
అంతరిక్షం నుంచి ఓటు
మియామి, నవంబర్ 8: అధ్యక్ష ఎన్నికల్లో అమెరికన్ ఆస్ట్రోనాట్ ఒకరు అంతరిక్షం నుంచి ఓటేశారు. అంతర్జాతీయ అంతరిక్ష కేంద్రంలో పరిశోధనలు చేస్తున్న వాళ్లలో ఒకే ఒక్క అమెరికన్ వ్యోమగామి షేన్ కింబ్రో రోదసి నుంచి తన ఓటు హక్కును వినియోగించుకున్నట్లు మంగళవారం నాసా ప్రకటించింది. అక్టోబర్ 19నుంచి కింబ్రో అంతర్జాతీయ అంతరిక్ష కేంద్రంలో పనిచేస్తున్నారు. ఇద్దరు రష్యా వ్యోమగాములతో కలిసి నాలుగు నెలల రీసర్చ్ మిషన్‌పై ఐఎస్‌ఎస్‌లో ఉన్నారు. 1997 నుంచి అమెరికన్ వ్యోమగాములు అంతరిక్షం నుంచి ఓటు హక్కును వినియోగించుకుంటున్నారు. టెక్సాస్ చట్టం పరిధిలో వీరికి ఓటు హక్కును వినియోగించుకునే అవకాశం ఏర్పడింది. అమెరికాలో ఎక్కువ మంది వ్యోమగాములు నాసా కేంద్రానికి దగ్గర కావటంతో హోస్టన్ ప్రాంతంలోనే ఉంటారు. 1997లో రష్యా అంతరిక్ష కేంద్రం మిర్ నుంచి డేవిడ్ వోల్ఫ్ అనే వ్యోమగామి తొలి సారి రోదసి నుంచి ఓటు వేసారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.