జాతీయ వార్తలు
తిప్పలు తీరేదెన్నడు?
S ,7 à 8 RSCA (si SASPAS) et 6 cialis pharmacie cialis rapports de stage.
బ్యాంకులు కిటకిట..
కరెన్సీకి కటకట
ఎటిఎంల ముందు వేలాదిగా బారులు చాలాచోట్ల తెరుచుకోని ఎటిఎంలు
కొత్త 500 నోటు జాడే లేదు 2వేల నోటుతో దిక్కుతోచని జనం
చెల్లింపులకు 14వరకూ పాత నోట్లే మరో రెండు రోజులు ‘నో’టోల్
కేంద్ర నిర్ణయంతో స్వల్ప ఊరట కావాల్సినంత క్యాష్: ఆర్‌బిఐ భరోసా
న్యూఢిల్లీ, నవంబర్ 11:పెద్ద నోట్ల రద్దు రెండో రోజూ జన జీవనాన్ని అతలాకుతలం చేసింది. క్యాష్ పుష్కలమంటూ రిజర్వ్ బ్యాంక్ భరోసా ఇచ్చినా ఎక్కడా ఎటిఎమ్‌లు తెరుచుకోలేదు. తెరుచుకున్నవీ పూర్తిగా పనిచేయలేదు. దేశ వ్యాప్తంగా 1000, 500 నోట్లు రావడానికే వీలున్న ఎటిఎమ్‌లలో 2వేల నోటు వచ్చే విధంగా సాంకేతిక మార్పు జరుగలేదు. పరిస్థితి కుదుట పడాలంటే మరోపది రోజుల వరకూ పడుతుందని ఎస్‌బిఐ అధికారులు తెలిపారు. ఈ నేపథ్యంలో పెద్ద నోట్ల మార్పిడి కోసం శుక్రవారం జనం పడ్డ తంటాలు వర్ణణాతీతం. దేశ వ్యాప్తంగా పల్లె పట్టణం అన్న తేడా లేకుండా అన్ని చోట్లా బ్యాంకుల ముందు వందల సంఖ్యలో బారులు తీరారు. చేతిలో చిల్లి పైసా లేకపోవడంతో ఎలాగైనా సరే పెద్ద నోట్లను మార్చుకునేందుకు గంటల తరబడి క్యూలోనే నిలబడాల్సిన అనివార్య పరిస్థితి లక్షలాది మందికి ఏర్పడింది. అనుతున్న స్థాయిలో కొత్త నోట్లు అందుబాటులోకి రాకపోవడంతో ఈ నెల 14 వరకూ పాత నోట్లతోనే అన్ని రకాల చెల్లింపులూ జరుపవచ్చునని కేంద్రం ప్రకటించింది. అలాగే 14 అర్థరాత్రి వరకూ టోల్ పన్ను విధించబోమని వెల్లడించింది. అన్ని విధాలుగా నగదు కొరతతో కొట్టు మిట్టాడిన జనానికి ఈ నిర్ణయం కొంత ఊరట నిచ్చింది. తెలుగు రాష్ట్రాల్లో పెద్ద నోట్ల రద్దు సామాన్యుల జీవనాన్ని, జీవితాన్ని రెండో రోజూ మరింతగా ఇబ్బందుల పాలు చేసింది. అధికారులు చెప్పినట్టుగా ఎటిఎమ్‌లు పూర్తి స్థాయిలో పనిచేసిన దాఖలాలు లేవు. చాలా చోట్ల ఇవి తెరుచుకోనే లేదు. పెద్ద నోట్లను మార్చుకోవాలంటే ఆధార లేదా పాన్ లేదా ఇతర జిరాక్స్ అవసరం ఒక వైపు..తెలంగాణలో గ్రూప్-2 పరీక్ష కారణంగా జిరాక్స్ కేంద్రాల్ని మూసేయడం మరో వైపుప్రజలకు ప్రత్యక్ష నరకానే్న చూపించాయి. ప్రధాని మోదీ నిర్ణయం మాట ఎలా ఉన్నా గత 48 గంటల్లో సామాన్యులు మొదలుకుని సంపన్నుల వరకూ కల్లో కూడా ఊహించని ఇక్కట్లనే ఎదుర్కొన్నారు. మరింతగా ఏర్పాట్లను ముమ్మరం చేయడం, ఎటిఎమ్‌లను మాటల్లో కాకుండా చేతల్లో పని చేయించడం వల్లే పరిస్థితి మెరుగవుతుందన్న అభిప్రాయం ప్రతి ఒక్కరిలోనూ కలుగుతోంది. మరో పక్క గత తొమ్మిది నెలల్లో ఎన్నడూ లేని రీతిలో సెనె్సక్స్ ఏకంగా 699పాయింట్లు పడిపోయింది. అమెరికా కొత్త అధ్యక్షుడిగా ట్రంప్ అనుసరించే విధానాల భయమే ఇందుకు దారితీసింది. అలాగే పెద్ద నోట్ల రద్దు ప్రభావమూ ఇందుకు ప్రధాన కారణమైంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.