జాతీయ వార్తలు
నిబంధనల ప్రకారమే నిర్ణయం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 4: ఉత్తరప్రదేశ్‌లో ఎన్నికల చిహ్నం సైకిల్ తమకే దక్కాలంటూ సమాజ్‌వాదీ పార్టీలోని ఇరువర్గాలు వాదిస్తుండటంతో గతంలో ఇలాంటి సందర్భాల్లో తీసుకున్న నిర్ణయాలపై ఇప్పుడు ఎన్నికల కమిషన్ (ఇసి) దృష్టి సారించనుంది. పార్టీ వ్యవస్థాపకుడు ములాయం సింగ్ యాదవ్ ఒకవైపు, కొత్తగా అధ్యక్షుడిగా ఎన్నికయిన ఆయన కుమారుడు, యుపి ముఖ్యమంత్రి అఖిలేశ్ యాదవ్ శిబిరం మరోవైపు తమకే సైకిల్ గుర్తు కేటాయించాలని ఎన్నికల సంఘాన్ని అభ్యర్థించిన విషయం తెలిసిందే. ‘ఎన్నికల చిహ్నం కేటాయింపునకు సంబంధించి ఇటువంటి సందర్భాల్లో గతంలో తీసుకున్న నిర్ణయాలను, ఇప్పటివరకు అనుసరించిన సూత్రాలను దృష్టిలో పెట్టుకొని కమిషన్ తన ముందున్న పత్రాలను పరిశీలించి, సరయిన సమయంలో సరయిన నిర్ణయం తీసుకుంటుంది’ అని ప్రధాన ఎన్నికల కమిషనర్ నసీం జైదీ విలేఖరులకు తెలిపారు. సమాజ్‌వాదీ పార్టీలో ఎన్నికల చిహ్నానికి సంబంధించిన వివాదాన్ని పరిష్కరించడానికి ‘ఎలక్షన్ సింబల్స్ (రిజర్వేషన్ అండ్ అలాట్‌మెంట్) ఆర్డర్, 1968లోని పారాగ్రాఫ్ 15ను ఎన్నికల కమిషన్ అనుసరిస్తుందని కమిషన్ వర్గాలు తెలిపాయి. ఒక గుర్తింపు పొందిన రాజకీయ పార్టీ చీలిపోయినప్పుడు ఏ వర్గాన్ని అసలు పార్టీగా గుర్తించాలి, ఏ వర్గానికి ఆ పార్టీ ఎన్నికల చిహ్నాన్ని కేటాయించాలి అనే విషయాన్ని నిర్ణయించే అధికారం ఎన్నికల సంఘానికి ఉందని ఈ పారాగ్రాఫ్ వెల్లడిస్తోంది. గత రెండు మూడు రోజుల నుంచి ములాయం సింగ్ యాదవ్ నుంచి ఒకవైపు, రాంగోపాల్ యాదవ్, అఖిలేశ్ యాదవ్ నుంచి మరోవైపు సైకిల్ గుర్తు కోసం తమకు విజ్ఞాపనలు అందాయని జైదీ వివరించారు. మంగళవారం సాయంత్రం రాంగోపాల్ యాదవ్ సమాజ్‌వాదీ పార్టీలో చీలికకు సంబంధించిన సమగ్రమైన పత్రాన్ని ఎన్నికల సంఘానికి అందజేశారు. అంతకుముందు రోజు సోమవారం ములాయం సింగ్ యాదవ్ తన సోదరుడు శివపాల్ యాదవ్ తదితరులతో కలిసి వెళ్లి పార్టీ వ్యవస్థాపకుడినయిన తనకే సైకిల్ గుర్తు కేటాయించాలని ఎన్నికల సంఘాన్ని కోరారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.