జాతీయ వార్తలు
అనాధ పిల్లలకూ ఆధార్!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 18: అనాధ పిల్లలకు చదువుకునే, వైద్య సేవల్ని పొందే హక్కును కల్పించడంలో భాగంగా వారికి ఆధార్ కార్డులు ఇవ్వాలని కేంద్ర ప్రభుత్వం భావిస్తోంది. అనాధ పిల్లల పునరావాసం, హక్కుల కల్పనకు ఉద్దేశించిన ఈ పథకాన్ని త్వరలోనే మహిళా శిశు వికాస మంత్రిత్వ శాఖ ప్రారంభించనుంది. ఆరోగ్య బీమా, బ్యాంకు ఖాతాలు, ఆర్థిక పరమైన వెసులుబాటును కూడా వీరికి కల్పించాలన్నదే తమ ఉద్దేశమని చెబుతున్నారు. వీధుల్లోనే బతుకు గడిపే పిల్లల్లో 80శాతం మందికి ఎలాంటి గుర్తింపూ లేదని, వీరు తమ హక్కుల్ని, ప్రభుత్వ సేవల్ని పొందడానికి ఇదే పెద్ద అవరోధంగా మారుతోందని సేవ్ ది చిల్డ్రన్ అనే ఎన్‌జిఓ స్పష్టం చేసింది. గుర్తింపు కార్డు లేకపోవడం వల్ల వీరికి స్కూళ్లలో ప్రవేశం లభించడం లేదని, ఆరోగ్య సేవలూ అందకుండా పోతున్నాయని తెలిపింది. వీరందరికీ ఆధార్ కార్డును అందిస్తే..ఇవన్నీ వారికి అందుబాటులోకి వస్తాయని పేర్కొంది. పిల్లల హక్కుల కోసం పనిచేసే సంస్థలకు కూడా వీధి పిల్లల్ని ఎలా ఆదుకోవాలో తెలియని పరిస్థితి తలెత్తుతోందని, దీని దృష్ట్యా..మొత్తం నాలుగు దశల్లో వీరిని ఆదుకునే మార్గాన్ని సుగమం చేశామని పిల్లల హక్కుల పరిరక్షణ జాతీయ కమిషన్ చైర్మన్ స్తుతి కాకెర్ తెలిపారు. పది సంవత్సరాలు పైబడిన వీధి బాలలకు బ్యాంకు ఖాతా తెరవడం, దాన్ని నిర్వహించడంలో సహకరిస్తామని తెలిపారు. ఈ వీధి పిల్లలకు కుటుంబం ఉన్నట్టు గుర్తిస్తే అలాంటి కుటుంబాన్ని స్పాన్సర్‌షిప్ కార్యక్రమ పరిధిలోకి తెచ్చే ప్రయత్నం చేస్తామన్నారు. దీని వల్ల ఆ పిల్లల్ని వైద్య, ఆరోగ్య, పౌష్టికాహార పరంగా ఆదుకోవడం సాధ్యమవుతుందన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.