జాతీయ వార్తలు
కాశ్మీర్‌లో ఎన్‌కౌంటర్ .. ఒక జవాను, ఇద్దరు మిలిటెంట్లు మృతి
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, మార్చి 5: జమ్మూ, కాశ్మీర్‌లోని ఫుల్వామా జిల్లా ట్రాల్ అటవీ ప్రాంతంలో ఆదివారం భద్రతా దళాలకు, మిలిటెంట్లకు మధ్య జరిగిన భీకర పోరులో ఇద్దరు మిలిటెంట్లు, ఒక జవాను మృతి చెందగా, ఒక ఆర్మీ మేజర్ గాయపడ్డాడు. నిన్న రాత్రి 7 గంటలకు మొదలైన కాల్పులు దాదాపు 12 గంటల పాటు ఈ రోజు ఉదయం ఆరున్నర దాకా కొనసాగాయి. చనిపోయిన ఇద్దరు మిలిటెంట్లలో ఒకరిని హిజ్బుల్ ముజాహిదీన్‌కు చెందిన ఆఖిబ్ భట్‌గా గుర్తించారు. ఆఖిబ్ వౌల్విగా చివరపరిచితుడైన ఇతను మూడు సంవత్సరాలుగా ఈ ప్రాంతంలో చురుగ్గా ఉగ్రవాద కార్యకలాపాలు నిర్వహిస్తున్నాడు. మరొకరిని జైషే మహమ్మద్ తరఫున పని చేస్తున్న పాకిస్తానీ టెర్రరిస్టు సైఫుల్లా అలియాస్ ఒసామా అని అధికార వర్గాలు తెలిపాయి. మిలిటెంట్లతో ముఖాముఖి తలపడిన పోలీసు కానిస్టేబుల్ మన్జూర్ అహ్మద్ నాయక్ కూడా ఈ కాల్పుల్లో మృతి చెందినట్లు అధికారులు తెలిపారు. భద్రతా దళాల చక్రబంధంలో చిక్కుకున్న భట్ ఈ రోజు తెల్లవారుజామున తన తండ్రికి ఫోన్ చేసి తుది వీడ్కోలు చెప్పినట్లు వారు తెలిపారు. భట్ స్థానికుడని, అతని పూర్వీకుల నివాసం ట్రాల్ ప్రాంతంలోని హేనాలోనే ఉందని కూడా వారు చెప్పారు. ఒక కార్పెంటర్ ఇంట్లో ఇద్దరు మిలిటెంట్లు ఉన్నట్లు భద్రతా దళాలకు విశ్వసనీయ సమాచారం అందడంతో పోలీసులు, సైన్యం, సిఆర్‌పిఎఫ్ బలగాలు ఆ ఇంటిని చుట్టుముట్టాయి. రాత్రి ఏడు గంటల సమయంలో మిలిటెంట్లకు, భద్రతా దళాలకు మధ్య కాల్పులు మొదలుకాగా రాత్రంతా కూడా ఆడపాదడపా కాల్పులు కొనసాగాయి. కాగా, ఇంట్లో చిక్కుపడిన మిలిటెంట్లను తప్పించేందుకు జనం భద్రతా దళాలపై రాళ్ల వర్షం కురిపించారు కానీ పోలీసులు, సిఆర్‌పిఎఫ్ జనాన్ని తరిమి కొట్టి పరిస్థితిని అదుపులోకి తెచ్చారని అధికారులు చెప్పారు. భద్రతా దళాలతో జరిగిన గొడవల్లో కొంతమంది దుండగులు ఒక సిఆర్‌పిఎఫ్ అధికారివద్దనుంచి ఇన్సాస్ రైఫిల్‌ను లాక్కు పోయారు. ఆర్ రేషి అనే ఆర్మీ మేజర్‌కు బులెట్ గాయాలు కాగా, ఆయనను హుటాహుటిన ఆస్పత్రికి తరలించారు. ప్రస్తుతం ఆయన పరిస్థితి నిలకడగా ఉన్నట్లు తెలుస్తోంది.
చిత్రం... మిలిటెంట్ల కాల్పుల్లో మృతిచెందిన జవాను మృతదేహం వద్ద నివాళులర్పిస్తున్న కాశ్మీర్ మంత్రి సయ్యద్ అల్తాఫ్ ముఖారి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.