జాతీయ వార్తలు
విశాఖకు పెట్రో వర్శిటీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 12: విశాఖపట్నంలోని ఇండియన్ ఇనిస్టిట్యూట్ ఆఫ్ పెట్రోలియం అండ్ ఎనర్జీ (ఐఐపిఈ)కి కేంద్ర మంత్రివర్గం ఆమోదముద్ర వేసింది. బుధవారం ప్రధాని నరేంద్రమోదీ అధ్యక్షతన జరిగిన కేంద్ర కేబినెట్ సమావేశంలో పెట్రో వర్శిటీపై నిర్ణయం తీసుకుంది. విశాఖలో రూ.655.46 కోట్ల పెట్టుబడి వ్యయంతో పెట్రోలియం, ఇంధన యూనివర్సిటీ ఏర్పాటు చేయడానికి ఆమోదం తెలిపింది. అలాగే వర్శిటీకి ఎండోమెంట్ నిధులు రూ.200 కోట్లు, అదనంగా మరో రూ.200 కోట్లు ఆయిల్ కంపెనీలు సహకారం అందించనున్నాయి. ఏపీ పునర్వ్యవస్థీకరణ చట్టంలోని షెడ్యూల్ 13కింద వర్సిటీ ఏర్పాటుకు కేంద్రం గతంలోనే నిర్ణయించటం తెలిసిందే. ఈ యూనివర్సిటీ ఏర్పాటు ద్వారా పెట్రోలియం విభాగంలో నైపుణ్యంతో కూడిన మానవ వనరులు, పరిశోధనలకు అవకాశలు ఏర్పడనున్నాయి. అలాగే కృష్ణా గోదావరి బేసిన్, విశాఖలో ఏర్పాటు చేయనున్న పెట్రోలియం రిఫైనరీకి ఈ యూనివర్సిటీని అనుసంధానిస్తారు. అలాగే కాకినాడలో ఏర్పాటు చేయనున్న పెట్రో కెమికల్ కాంప్లెక్స్ కూడా కొత్తగా ఏర్పాటు చేయనున్న వర్శిటీతో అనుసంధానించనున్నారు. ఇప్పటికే విశాఖ జిల్లా సబ్బవరం మండలం వంగలిలో ఏపీ ప్రభుత్వం ఈ వర్సిటీ ఏర్పాటుకు 200 ఎకరాల భూమి కేటాయించింది. 2016-17 ఏడాదిలోనే 50మంది విద్యార్థులతో ఆంధ్ర యూనివర్సీటీ క్యాంపస్‌లో డిగ్రీలో పెట్రోలియం ఇంజనీరింగ్ మరియు కెమికల్ ఇంజనీరింగ్ విభాగాల కోర్సుల్లో ఐఐటీ ఖరగ్‌పూర్ సహాయంతో క్లాసులు నిర్వహిస్తున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.