జాతీయ వార్తలు
కాశ్మీరులో ఉగ్ర‘పంజా’
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్: జమ్మూ-కాశ్మీరులో ఉగ్రవాదులు మరోసారి పంజా విసిరారు. పంపోర్ వద్ద శనివారం శ్రీనగర్-జమ్మూ రహదారిలో సిఆర్‌పిఎఫ్ కాన్వాయ్‌పై దాడికి పాల్పడటంతో ముగ్గురు జవాన్లు మృతిచెందారు. మరో పది మంది గాయపడ్డారు. వీరిలో ఒక సాధారణ పౌరుడి పరిస్థితి విషమంగా ఉన్నట్లు తెలుస్తోంది. దాడి అనంతరం ఉగ్రవాదులు అక్కడికి సమీపంలోని ఇడిఐ (ఎంటర్‌ప్రెన్యూర్‌షిప్ డెవలప్‌మెంట్ ఇన్‌స్టిట్యూట్)లోకి చొరబడటంతో భద్రతా దళాలు ఆ ప్రాంతాన్ని చుట్టుముట్టాయి. దీంతో అక్కడ ఇరు పక్షాల హోరాహోరీగా కాల్పులు జరుగుతున్నాయి. అయితే అంతకుముందు స్థానిక పోలీసులు అప్రమత్తమై ఆ ప్రభుత్వ కార్యాలయం నుంచి సిబ్బందిని, సామాన్య పౌరులను ఖాళీ చేయించి ఎవరూ నిర్బంధానికి గురికాకుండా నిరోధించగలిగారని రాష్ట్ర డిజిపి కె.రాజేంద్ర పిటిఐ వార్తా సంస్థకు తెలియజేశారు. ఇదిలావుంటే, సామాన్య ప్రజలకు హాని తలపెట్టేందుకు రాలేదని ఉగ్రవాదులు చెబుతూ, తమను ఇఐడి కార్యాలయం నుంచి బయటికి వెళ్లిపోవాల్సిందిగా సూచించారని ఆ భవనం నుంచి బయటికి వచ్చిన ఒక వ్యక్తి తెలిపాడు. ప్రస్తుతం ఆ భవనంలో ఐదుగురు ఉగ్రవాదులు నక్కినట్లు ప్రత్యక్ష సాక్షులు, భద్రతా సిబ్బంది చెబుతున్నారు. ఎన్‌కౌంటర్ జరిగిన ప్రదేశానికి కేవలం 10 కిలోమీటర్ల దూరంలో 15 కార్ప్స్ సైనిక ప్రధాన కార్యాలయం ఉంది. దీంతో అక్కడి సైనిక సిబ్బంది హుటాహుటిన ఘటనా ప్రదేశానికి చేరుకుని ఉగ్రవాదుల ఏరివేతలో స్థానిక పోలీసులకు, సిఆర్‌పిఎఫ్ జవాన్లకు సాయం అందిస్తున్నారు.
chitram...
ముష్కరులు చొరబడిన జెకెఇడిఐ భవనం నుంచి బయటకు పరుగులు తీస్తున్న ప్రభుత్వ సిబ్బంది
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.