జాతీయ వార్తలు
కర్నాటక సిఎం సభలో కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు: నగరం లో ఆదివారం కర్నాటక ముఖ్యమం త్రి సిద్దరామయ్య, కేంద్ర మంత్రి అనంత్ కుమార్, సుప్రీంకోర్టు మాజీ ప్రధాన న్యాయమూర్తి ఎంఎన్ వెంకటాచలయ్య పాల్గొన్న ఓ కార్యక్రమంలో ఒక వ్యక్తి బాంబని చెప్తూ, ఓ పాకెట్ విసిరి కలకలం సృష్టించాడు. ముఖ్యమంత్రి సిద్దరామయ్య మాట్లాడడం ప్రారంభించగానే రవీంద్ర కళాక్షేత్ర ఆడిటోరియం బాల్కనీలో కూర్చుని ఉన్న ఓ వ్యక్తి హఠాత్తుగా లేచి ‘మీరు మా కులానికి ఏం చేశారు? అది ముందు చెప్పండి’ అంటూ కేకలు వేశాడు. ఆ వెంటనే బాంబని చెప్తూ వేదికపైకి ఒక పాకెట్ విసిరేశాడు.
అయితే ఆ పాకెట్ ముఖ్యమంత్రికి కాస్త దూరంగా అనంత్‌కుమార్, వెంకటాచలయ్య కూర్చుని ఉన్న చోటుకు దగ్గరగా పడింది. వేదికపై ఉన్న భద్రతా సిబ్బంది వెంటనే ఆ పాకెట్‌ను తొలగించగా, పోలీసులు ఆ వ్యక్తిని అక్కడినుంచి బలవంతంగా తీసుకెళ్లి పోయారు. పాకెట్‌లో చాక్లెట్ పేపర్లు ఉన్నాయని, దాన్ని విసిరేసిన వ్యక్తిని ప్రశ్నిస్తున్నామని పోలీసులు చెప్పారు.
ప్రాథమిక సమాచారాన్ని బట్టి ఆ వ్యక్తిని బిఎస్ ప్రసాద్‌గా గుర్తించామని, బృహత్ బెంగళూరు మహానగర పాలిక (బిబిఎంపి)లో అటవీ విభాగంలో పని చేస్తున్నట్లు తెలిసిందని నగర పోలీసు డిప్యూటీ కమిషనర్ సందీప్ పాటిల్ చెప్పారు. బిబిఎంపినుంచి, వ్యక్తి కుటుంబ సభ్యులనుంచి అతనికి సంబంధించిన సమాచారం సేకరిస్తున్నామని ఆయన చెప్తూ, పోలీసులు అడిగిన ప్రశ్నలకు ఆ వ్యక్తి సమాధానం చాలా చిత్రంగా ఉందన్నారు. తాను రాజ్యసభ సభ్యుడు కావాలని అనుకుంటున్నానని అందుకే అక్కడికి వచ్చానని అతను చెప్తున్నాడని ఆయన అన్నారు. కార్యక్రమం అనంతరం విలేఖరులతో మాట్లాడిన ముఖ్యమంత్రి ఈ సంఘటనకు భద్రతా లోపం కారణం కాదన్నారు. ప్రజాస్వామ్యంలో ఇలాంటి సంఘటనలు సాధారణమని కూడా ఆయన చెప్పారు. అతను ఏ కులానికి చెందిన వాడో తనకు తెలియదని ఆయన అంటూ, అణగారిన వర్గాల వారికోసమే తమ ప్రభుత్వం పని చేస్తోందన్నారు. అంతేకాదు ఎవరైనా అతడ్ని రెచ్చగొట్టి ఉంటారని, లేకుంటే అతను అలా ప్రవర్తించి ఉండడని కూడా ముఖ్యమంత్రి అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.