అంతర్జాతీయం
టిబెట్‌కు రెండో రైలుమార్గం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్: టిబెట్‌ను దేశంలోని మిగతా భాగాలను అనుసంధానం చేస్తూ రెండో రైలు మార్గాన్ని చైనా నిర్మించనుంది. హిమాలయ ప్రాంతమైన టిబెట్‌కు మిగతా ప్రాంతాలతో కనెక్టివిటీ పెరగడంతో పాటుగా భారత్ సరిహద్దు ప్రాంతాలకు శరవేగంగా సైన్యాలను తరలించడానికి సైతం ఈ రైలుమార్గం ఉపయోగపడుతుంది. టిబెట్ అటానమస్ రీజియన్ రాజధాని నగరమైన లాసా, సిచువాన్ రాష్ట్ర రాజధాని చెంగ్డు మధ్య ఈ కొత్త రైలుమార్గాన్ని నిర్మిస్తారని జాతీయ చట్టసభకు సమర్పించిన జాతీయ ఆర్థిక, సామాజికాభివృద్ధికి సంబంధించిన 13వ పంచవర్ష ప్రణాళిక ముసాయిదా నివేదికలో పేర్కొన్నారు. అంతకుమించి వివరాలేమీ దానిలో లేవు. జాతీయ చట్టసభ ఆమోదించిన తర్వాత ఈ ప్రణాళికను ఈ ఏడాదే అమలు చేస్తారు. హిమాలయ పర్వత ప్రాంతల్లోని టిబెట్‌ను దేశంలోని మిగతా ప్రాంతాలతో అనుసంధానం చేస్తూ నిర్మించిన క్వింఘాయ్-టిబెట్ రైలుమార్గానికి ఈ కొత్త రైల్వే లైను అదనం. 2006 జూలైలో ప్రారంభమైన 1956 కిలోమీటర్ల పొడవైన ఆ రైలుమార్గం ప్రపంచంలోనే అత్యంత ఎత్తయిన, పొడవైన పర్వత ప్రాంత రైలుమార్గం. రైలు మార్గాల విస్తరణకు తోడు చైనా టిబెట్ ప్రాంతంలో అయిదు విమానాశ్రయాలను కూడా నిర్మించింది. టిబెట్‌లో రైలు, రోడ్డు, విమాన సర్వీసులు శరవేగంగా విస్తరించడంతో సైన్యాలతోపాటుగా జనం ఈ ప్రాంతాలకు తరలిరావడానికి వీలుకలగడమే కాక మన దేశం కూడా సరిహద్దుల్లో ముఖ్యంగా చైనా తనదిగా చెప్పుకొంటున్న అరుణాచల్ ప్రదేశ్‌లో పెద్ద ఎత్తున వౌలిక సదుపాయాల విస్తరణను చేపట్టాల్సి వచ్చింది. కాగా, కొత్తగా నిర్మించబోయే రైలుమార్గం 1629 కిలోమీటర్లు ఉంటుందని, లాసానుంచి చెంగ్డు చేరుకోవడానికి కేవలం 15 గంటలు పడుతుందని ప్రభుత్వ వార్తాసంస్థ జిన్హువా తెలియజేసింది. ఈ రైలుమార్గం వీలయినంత త్వరగా పూర్తవుతుందని తాము ఆశిస్తున్నామని, తమ అభివృద్ధికి, ముఖ్యంగా పర్యాటక రంగం అభివృద్ధికి ఇది కొత్త ఊపు నిస్తుందని టిబెట్‌లోని న్యింగ్‌చి నగర మేయర్ అయిన వాంగ్‌డుయి అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.