జాతీయ వార్తలు
లక్ష్మణ్‌కే బిజెపి పగ్గాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 8: తెలంగాణ రాష్ట్ర బిజెపి అధ్యక్షుడిగా డాక్టర్ కె లక్ష్మణ్ నియమితులయ్యారు. బిజెపి జాతీయ అధ్యక్షుడు అమిత్ షా శుక్రవారం ఐదు రాష్ట్రాల పార్టీ శాఖలకు కొత్త అధ్యక్షులను నియమించారు. ప్రస్తుత అధ్యక్షుడు జి కిషన్ రెడ్డి స్థానంలో బిజెపి శాసన సభాపక్ష నేత లక్ష్మణ్ నియమితులయ్యారు. తెలంగాణ బిజెపి శాఖ అధ్యక్ష పదవికి ఆయనతో పాటు మరో రెండు పేర్లు పరిశీలనకు వచ్చినా బిజెపి అధినాయకత్వం చివరకు లక్ష్మణ్‌ను ఎంపిక చేసింది.
లక్ష్మణ్ నాయకత్వంలో బిజెపి తెలంగాణలోని బలహీన వర్గాల్లోకి వెళ్తుందని పార్టీ అధిష్ఠానం భావిస్తోంది. తెలంగాణలో బిసిల జనాభా ఎక్కువ కాబట్టి వెనుకబడిన వర్గానికి చెందిన లక్ష్మణ్ పార్టీని బలోపేతం చేస్తారన్న విశ్వాసంతో అధినాయకత్వం ఈ నిర్ణయం తీసుకుంది. కాగా తెలంగాణతోపాటే ఆంధ్రప్రదేశ్‌కు కూడా కొత్త అధ్యక్షుడిని నియమించాల్సి ఉంది. అయితే కేంద్ర మంత్రి ఎం వెంకయ్యనాయుడు జోక్యంతో ప్రస్తుతానికి ఆగిపోయినట్టు తెలిసింది. ఏపి బిజెపి శాఖ అధ్యక్షుడు, ఎంపీ కంభంపాటి హరిబాబు స్థానంలో ఎమ్మెల్సీ సోము వీర్రాజును అధ్యక్షుడుగా నియమిస్తారని ఊహాగానాలు వచ్చాయి. అయితే వెంకయ్య దీన్ని గట్టిగా వ్యతిరేకించినట్టు పార్టీ వర్గాలు చెబుతున్నాయి. ఆయన అభిప్రాయం మేరకే బిజెపి అధినాయకత్వం కూడా కొత్త అధ్యక్షుడిని నియమక ప్రతిపాదనను ప్రస్తుతానికి విరమించుకున్నట్టు తెలిసింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.