రాష్ట్రీయం
ఇప్పటికిప్పుడే కష్టం..!
S ,7 à 8 RSCA (si SASPAS) et 6 cialis pharmacie cialis rapports de stage.
మరో ఏడాది గడువివ్వండి
చలో విజయవాడపై సిబ్బంది
పునరాలోచనలో ప్రభుత్వం
హైదరాబాద్, నవంబర్ 26 : హైదరాబాద్ నుండి విజయవాడ వెళ్లేందుకు ప్రభుత్వ ఉద్యోగులు మానసికంగా సిద్ధంగానే ఉన్నప్పటికీ, ఈ క్రమంలో తమకు ఎదురయ్యే సమస్యల కారణంగా ఇప్పటికిప్పుడే వెళ్లలేమని చెబుతున్నారు. ప్రభుత్వ పాలన విజయవాడ నుండి కొనసాగాలనుకుంటే రాష్ట్ర సచివాలయం, డిజిపి కార్యాలయంతో పాటు అన్ని శాఖలకు చెందిన హెడ్ ఆఫ్ ది డిపార్ట్‌మెంట్స్‌ను హైదరాబాద్ నుండి విజయవాడ తరలించాల్సి ఉంటుంది. 2016 జూన్ వరకైనా అన్ని శాఖలను తరలించాలని చంద్రబాబు అభిప్రాయంతో ఉద్యోగులు విభేదిస్తున్నారు. ఈ కాలాన్ని మరో ఏడాది పాటు పొడగించాలని ఉద్యోగ సంఘాల నేతలు కోరుతున్నారు. ఈ విషయంలో ఉద్యోగ సంఘాల నేతలు అశోక్‌బాబు, కృష్ణయ్య, మురళీకృష్ణ తదితరులతో ముఖ్యమంత్రితో పాటు ప్రభుత్వ ప్రధాన కార్యదర్శి ఐవైఆర్ కృష్ణారావు చర్చించారు. విజయవాడలో మేధాటవర్స్‌ను సచివాలయం కోసం ఉపయోగించాలనుకున్నప్పటికీ, ఈ భవనం పూర్తిగా సరిపోదని, అలాగే డిజిపి కార్యాలయం, ఫారెస్ట్ రాష్ట్ర కార్యాలయం, ఇతర శాఖల కోసం విశాలమైన భవనాలు అవసరం అవుతాయని ఉద్యోగ సంఘాల నేతలు పేర్కొంటున్నారు. 60 సంవత్సరాల నుండి రాష్ట్ర రాజధానిగా ఉంటూ వచ్చిన హైదరాబాద్‌లోనే ప్రభుత్వ కార్యాలయాలకు తీవ్రమైన కొరత ఉందని ఉద్యోగ సంఘాలనేతలు పేర్కొంటున్నారు.
సచివాలయంతో పాటు హెచ్‌ఓడిలలో దాదాపు 600 పైగా సెక్షన్లు ఉన్నాయి. ప్రస్తుతం కొన్ని హెచ్‌ఓడిలకు సంబంధించి ఒకటి లేదా రెండు సెక్షన్లను విజయవాడ తరలించారు. అలా వెళ్లిన వారిలో ఎపికి చెందిన ఉద్యోగులతో పాటు తెలంగాణకు చెందిన ఉద్యోగులు కూడా ఉన్నారు. అధికారికంగా ఉద్యోగుల విభజన జరిగితే తాము తిరిగి హైదరాబాద్ వెళ్లాల్సి ఉంటుందని, అలాంటి తమను బలవంతంగా విజయవాడ పంపించారని తెలంగాణ ఉద్యోగులు వాపోతున్నారు.
ప్రభుత్వ రాష్ట్ర కార్యాలయాల కోసం భవనాలను ఎంపిక చేసే బాధ్యత ప్రభుత్వమే తీసుకున్నప్పటికీ, ఉద్యోగులు నివసించేందుకు మాత్రం ఎవరికి వారే గృహాలను చూసుకోవాల్సి ఉంటుందని ప్రభుత్వం ఇప్పటికే స్పష్టం చేసింది. ప్రభుత్వ ప్రధాన కార్యదర్శి ఐవైఆర్ కృష్ణారావుతో పాటు ముఖ్యమంత్రి చంద్రబాబు వద్ద ఈ అంశంపై జరిగిన సమావేశాల్లో ప్రభుత్వ విధానాన్ని స్పష్టంగా తెలియచేశారు. కార్యాలయాలకోసం భవనాలు చూసే బాధ్యతను ప్రభుత్వమే తీసుకుంటుందని, ఉద్యోగుల నివాసాల కోసం గృహవసతి ఎవరికి వారే చూసుకోవాలని ప్రభుత్వం స్పష్టం చేసింది.
పిల్లల చదువు, వారి ప్రాంతీయత, హైదరాబాద్‌లో ఏర్పాటు చేసుకున్న ఆస్తుల (ఇళ్లు తదితరాలు) విక్రయం, వైద్యం తదితర అంశాలను ఉద్యోగులు ప్రస్తావిస్తున్నారు. ఉద్యోగులు లేవనెత్తుతున్న అంశాలు న్యాయసమ్మతమైవేనని ప్రభుత్వం అంగీకరిస్తోంది. ముఖ్యమంత్రి, ప్రభుత్వ ప్రధాన కార్యదర్శి, డిజిపిల కోసం ఎంపిక చేసిన క్యాంపు కార్యాలయాలే వారికి సరిపోవడం లేదని ఉద్యోగ సంఘాల నేతలు గుర్తు చేస్తున్నారు. కీలకమైన వారి కార్యాలయాల పరిస్థితే ఇలా ఉంటే ఇతర శాఖలకు ఎలాంటి భవనాలు లభిస్తాయో అర్థమవుతుందని పేర్కొంటున్నారు. అందువల్ల హడావుడిగా నిర్ణయం తీసుకోవడం సబబు కాదని పేర్కొంటున్నారు. ప్రభుత్వ కార్యాలయాలు, ఉద్యోగుల తరలింపును 2017 జూన్ నాటికి పొడిగిస్తే బాగుంటుందని పేర్కొంటున్నారు. ప్రభుత్వం అన్ని కోణాల్లో ఆలోచించి విధానపరమైన నిర్ణయాలు తీసుకోవాలని కోరుతున్నారు. ఈ అంశంపై ప్రభుత్వం తన విధానాన్ని పునరాలోచించుకునే అవకాశం ఉందని తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.