Others
నాకు నచ్చిన చిత్రం
S ,7 à 8 RSCA (si SASPAS) et 6 cialis pharmacie cialis rapports de stage.
మణిరత్నం దర్శకత్వంలో రజనీకాంత్, మమ్ముట్టి, అరవింద్‌స్వామి ప్రధాన తారాగణంగా రూపొందించిన ‘దళపతి’ సినిమా అంటే నాకు చాలా ఇష్టం. ఆయన తీసిన సినిమాలన్నీ క్లాస్ అయితే చాలా కొద్దిమాత్రమే మాస్ సినిమాలు. అందులో దళపతికి అగ్రతాంబూలం ఇవ్వచ్చు. రజనీ రఫ్ లుక్‌తో అపర కర్ణునిగా కనిపిస్తాడు. మమ్ముట్టి లాంటి మలయాళ తారతో ఈ చిత్రం సుయోధన పాత్ర గుర్తుకు వస్తుంది. మహాభారతాన్ని సాంఘిక కథనంగా చేసి మణిరత్నం ఓ అద్భుతాన్ని సృష్టించాడు. శ్రీవిద్య కుంతిగా, అరవింద్‌స్వామి అర్జునుడిగా, అమ్రిష్‌పురి శకునిగా, రాధగా భానుప్రియ, భానుమతిగా గీత నటించడం విశేషం. ఆడజన్మకు, సింగారాల పైరుల్లోన, చిలకమ్మా చిటికేయంగా మొదలైన పాటలు ఇప్పటికీ వినిపిస్తూనే వుంటాయి. రజనీ వేసిన స్టైలిష్ స్టెప్స్ నిర్మలమ్మతో కలిసి చేసిన డాన్సు మర్చిపోలేం. దేవా దేవా అంటూ పలికిన డైలాగు కూడా వెంటాడుతుంది. ఇళయరాజా గురించి ఎంత చెప్పినా తక్కువే. అమ్రిష్‌పురి ఆహార్యం, సంభాషణలు ప్రత్యేకంగా గుర్తుండిపోతాయి. అరవింద్‌స్వామిని చూసి ఎవరీ ఆరడుగుల అందగాడని అందరూ ఆశ్చర్యపోయారు. మమ్ముట్టి కూడా హుందాగా వుంటూనే, పంచ పైకి కట్టి ఫైట్స్ చేసే దృశ్యాల్లో మాస్‌ను ఆకర్షిస్తాడు. శోభన తన పాత్రను కళ్లతోనే నటించింది. మల్టీస్టారర్ సనిమా అంటే ఇది అన్నట్లుగా తీశాడు మణి. దళపతి నేను ఇష్టపడి చేసింది కాదని, మాస్‌కోసం చేశానని మణిరత్నం అప్పట్లో చెప్పాడు. ఇప్పటికీ మణిరత్నం కాస్త వెనక్కి తగ్గినా దళపతి-2 వస్తే ఎంత బాగుండు అనిపిస్తుంది.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.