Others
అవునమ్మా..!
S ,7 à 8 RSCA (si SASPAS) et 6 cialis pharmacie cialis rapports de stage.
అవునమ్మా!
నాకున్నధి నువ్విచ్చిన ఒకటే శరీరం!
దుఃఖానికి ఒకటి, ఆనందానికి ఒకటి చొప్పున
రెండు శరీరాలు ఇచ్చి వుంటే బావుండేది.
దుఃఖంతో శరీరం శుష్కించిపోయాక
అప్పుడప్పుడు దొరికిన కాసిన్ని ఆనంద క్షణాల్ని
దాచుకోవడానికైనా పనికివచ్చేది.. ఇపుడు చూడు
ఎన్ని రంగులద్దినా అతుకులబొంతగా తయారవుతోంది!
అవునమ్మా!
నాకున్నది నీవిచ్చిన తల ఒకటే..
స్వంతానికి ఒకటి, సమాజానికి మరొకటి చొప్పున
రెండు తలలు ఇచ్చి వుంటే బావుండేది..
స్వంతం సరిలేక సమాజం ముందు తలదించుకోకుండా
స్వప్రయోజనాలకోసం కాస్త లౌక్యాన్ని
ప్రదర్శించడానికి ఉపయోగపడేది.. ఇపుడు చూడు
ఉనికి లేని వట్టి మొండెం మాత్రమే పనిచేస్తోంది..
అవునమ్మా!
నేను పుట్టినపుడు నువ్విచ్చింది గుండె ఒకటే!
గెలుపుకొకటి, ఓటమికి ఒకటి చొప్పున
రెండు హృదయాలని ఇచ్చి వుంటే బావుండేది
నిజానికొకటి, అబద్ధానికి ఒకటి పంచుకుంటూ
లేని ప్రపంచాన్ని అవలీలగా సృష్టిచుకుని
బతికేందుకు పనికివచ్చేది.. ఇపుడు చూడు..
వాస్తవంలోంచి వచ్చిన సిసలైన స్వభావాన్ని
మార్చుకోలేకపోతోంది!
అవునమ్మా!
నన్ను కన్నది ఒకే ఒక్క అమ్మవు నీవే!
సంపాదనకొకటి, సంసారానికి కొకటి చొప్పున
ఇద్దరు అమ్మలు ఉండే బావుండేది అనలేను కానీ
నీకున్న ఒక్క సెలవు రోజైనా
నన్ను నీ చేతుల్లోకి తీసుకుని
నాకు అన్నం తినిపించి ఉంటే బావుండేది
అపుడు ఆయాలో అమ్మను వెదకలేక,
ఇపుడు నా మందున్న నిన్ను గుర్తించలేక
కీర్తి ముసుగులో నీ గొప్పదనాన్ని
చాటి చెబుతున్నాను కానీ
నా మెదడు ఆడపుట్టుక ఔన్నత్యాన్ని
తెలుసుకోలేకపోతోంది..!
అవునమ్మా!
నాకిపుడు నా శరీరాన్ని, మెదడును దేనికి
ఎలా, ఎపుడు వాడాలో అంతుపట్టక..
ఏది ఎపుడు పడితే అపుడు చెత్తబుట్టలా వాడేస్తున్నాను..
అమ్మాయి ఎవరో, అమ్మ ఎవరో గుర్తుపట్టలేని స్థితిలో
నాకు నేను ఒక మరబొమ్మలా తయారయ్యాను..
రా అమ్మా..! రా..
ఒక్కసారైనా నా కోసం ‘కని’పెంచు..
నేనెవరో.. నాకు ఎవరేమవుతారో తెలియపరచు.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.