Others
బామ్మగారు బంగారు పతకాలు
S ,7 à 8 RSCA (si SASPAS) et 6 cialis pharmacie cialis rapports de stage.
మనలో చాలా మంది ముప్పై దాటగానే అంతా అయిపోయిందని అనుకుంటారు. ఫిట్‌నెస్ లేకుండా, అనారోగ్య సమస్యలతో సతమతమవుతూ ఉంటారు. అలాగని ఆ సమస్యలను అధిగమించేందుకు మాత్రం ప్రయత్నించరు. అటువంటి వారికి కనువిప్పు కలిగేలా 101 సంవత్సరాల ఈ బామ్మగారు ఇప్పటికీ పూర్తి ఫిట్‌నెస్‌తో అతి పెద్ద వయస్కురాలైన భారతీయ మహిళా అథ్లెట్‌గా రికార్డులకెక్కారు. పంజాబ్‌కు చెందిన మన్‌కౌర్ గురించి వింటే ఎవరైనా ఆశ్చర్యపోవలసిందే. ఇటీవల అక్లాండ్‌లో జరిగిన వరల్డ్ మాస్టర్ గేమ్స్‌లో బెస్ట్ సీనియర్ అథ్లెట్‌గా బంగారు పతకం సాధించారు. న్యూజీలాండ్‌లోని అక్లాండ్‌లో జరిగిన 100 మీటర్ల స్ప్లింట్‌లో ఆమె ఈ ఘనతను సాధించారు. 74 సెకండ్లలో ఈ రికార్డును సొంతం చేసుకోవడం ద్వారా అందరినీ ఆశ్చర్యచకితులను చేశారు. దీని గురించి మన్‌కౌర్ 79 ఏళ్ల కుమారుడు గురుదేవ్ మాట్లాడుతూ తన తల్లి పట్టుదలతో దీనిని సాధించారని, ఈ వయసులో కూడా ఫిట్‌నెస్ కోసం పాటుపడుతూ, రోజువారీ సాధన చేస్తారని చెబుతున్నారు. ఆ పట్టుదల వల్లే ఆమె ఖాతాలో ఇప్పటి వరకు నాలుగు గోల్డ్‌మెడల్స్ వచ్చి చేరాయని అంటారు. అన్ని రకాలుగా ఫిట్‌నెస్‌తో ఉండే మన్‌కౌర్ కేవలం రన్నింగ్‌లోనే కాకుండా జావలిన్‌త్రో, వంద, రెండు వందల మీటర్ల షాట్‌పుట్‌లో కూడా దిట్టగా పేరుగాంచారు. ఫైనల్ పోటీల్లో ఈ వృద్ధురాలి విన్యాసం చూసేందుకు న్యూజీలాండ్‌లోని వెస్ట్ అక్లాండ్‌లో గల ట్రస్ట్స్ స్టేడియం కిక్కిరిసిపోయింది. ఈ సందర్భంగా మన్‌కౌర్ ఏకంగా నాలుగు బంగారు పతకాలు సాధించి సరికొత్త గిన్నిస్ రికార్డును సొంతం చేసుకున్నారు. ఇలా రన్నింగ్, జావలిన్‌త్రో, షాట్‌పుట్‌లో రికార్డులు సొంతం చేసుకున్న మన్‌కౌర్ అంతటితో ఆగదలచుకోలేదు. అనితరసాధ్యమైన కృషితో స్కైవాక్‌లో కృషి చేసి 192 మీటర్లు స్కైవాక్ చేసి అబ్బురమనిపించారు. అక్లాండ్‌లోని సిటీ సెంటర్‌లో గల అత్యంత ఎత్తయిన ప్రాంతంలో ఈ ఫీట్ సాధించారు. నేరో ఎడ్జడ్ ప్లాట్‌ఫారంపై మన్‌కౌర్ సాధించిన ఈ ఫీట్ ప్రమాదకరమైనది. అయినా ఆమె ఒక్కింత కూడా వెరవలేదు. ఇలా విజేతగా ప్రపంచానికి పరిచయం అయిన ఈ శతాధిక వృద్ధురాలు మన్‌కౌర్ తన విజయం గురించి మాట్లాడుతూ తన ఫిట్‌నెస్‌కి కారణం తాను శాఖాహారిని కావడమే అంటారు. అలాగే కెఫిర్ అనే పాల పదార్థం, రొట్టెలు, గోధుమ ఆహారం అని కూడా చెబుతారు. మనం ఏదైనా సాధించాలని అనుకుంటే కృత నిశ్చయంతో కష్టపడాలని, అప్పుడే విజయం మన సొంతమవుతుందని అంటారు.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.