Others

పలకరింతతో పండగే!

S ,7 à 8 RSCA (si SASPAS) et 6 cialis pharmacie cialis rapports de stage.

‘హలో సార్’ అంటూ ఎదురుగా వస్తున్న వారిని పలకరిస్తే ఆహ్లాదం మదిలో చిందులు వేస్తుంది. స్నేహపుష్పం చిగురిస్తుంది. ఆలోచనలు, అనుభవాలు, అనుభూతులు పంచుకుంటూ ఒకరినొకరు గౌరవించుకుంటే ఎంత బాగుండు అనిపిస్తుంది. కానీ, ఒకచోట నివసించేవారు అంటీ ముట్టనట్టు ఎడముఖం, పెడమొహంగా ఉంటే, అందరితో కలిసిపోవాలనుకునేవారికి కూడా చిరాకనిపిస్తుంది. ఇతరులతో మాకు సంబంధం ఏమిటనో తలుపులు మూసుకుని ఏకాంత జీవితానికి చాలామంది అలవాటయిపోతున్నారు. అలా ఉండటంలో ఆనందం ఏమిటో మరి వారికే తెలియాలి. ఒకరుకొకరు ఎదుటపడి కలుసుకున్నపుడు ఎదుటివారే పలకరించాలని, మనం పలకరిస్తే మన హోదా తగ్గుతుందనే సంకుచిత మనస్తత్వాలు కొందరివి. వీటన్నిటికీ కారణం అహం. అహం మనిషిని మృగంగా మారుస్తుంది. ఎన్నో అనర్థాలకు కారణమవుతుంది. అహం పెరిగితే బంధాలు విచ్ఛిన్నమైపోతాయి. ఒకరినొకరు పట్టించుకోకుండా ప్రవర్తిస్తే, ఈర్ష్యాద్వేషాలు సంక్రమించి నిర్లిప్త స్వభావం ఏర్పడుతుంది. కూలి చేసుకునే పేదవారు కలిసిమెలసి కులాసాగా జీవిస్తున్నారు. ఉన్నదాంట్లోనే తింటూ, ఒకరికొకరు సాయం చేసుకుంటూ ఉత్సాహంగా గడుపుతున్నారు. రక్తసంబంధం కాకపోయినా అన్నయ్య, అక్కయ్య అంటూ వరసలు కలుపుకొని కలుపుగోలుగా ఉంటారు. వారికి ఆస్తులు లేకపోయినా, అభిమానాలుంటాయి. సౌకర్యాలు లేకపోయినా సుఖముంటుంది. ఇంటికి తలుపులు లేకపోయినా కంటి నిండా నిద్రపడుతుంది. ఆ పేదవారిని చూసి మనం నేర్చుకోవాల్సింది చాలా వుంది.

-కాయల నాగేంద్ర