Others
కన్నులు రాసే కావ్యాలు
S ,7 à 8 RSCA (si SASPAS) et 6 cialis pharmacie cialis rapports de stage.
Published Thursday, 2 August 2018
-డా.అయాచితం నటేశ్వరశర్మ.. 9940468557
అక్షరాలను అనే్వషించే కన్నులు
పుటల వెంట పరుగులు తీస్తాయి
ఒక్కొక్క పుట మారుతుంటే
చిక్కుబడిపోయిన సంగతులన్నీ
ఒక్కొక్కటిగా విడిపోతాయి
అక్షరాలు విడిపోయినా
అర్థాలు విడిపోవు
అర్థాల మాటున దాగిన
పరమార్థాలు ఎక్కడికీ పోవు!
అసలు పదాలే జీవనదాలు
అవి బారులు తీరి రాకుంటే
ఆవిష్కరించేందుకు అంతా శూన్యమే
పదాల నదులు పరవళ్లు తొక్కుతుంటే
హృదయాలలో కావ్యాలు అల్లుకొంటాయి
కన్నులు ముద్రించే కమనీయ దృశ్యాలతో
కావ్యరచన పూర్తవుతుంది!
రమణీయత రాజ్యమేలుతుంది!
*