Others
ఆ ఒక్కటీ అడక్కు
S ,7 à 8 RSCA (si SASPAS) et 6 cialis pharmacie cialis rapports de stage.
హాస్యరస ప్రధాన చిత్రాలు రాజ్యమేలుతున్న రోజుల్లో వచ్చిన సినిమా ‘ఆ ఒక్కటీ అడక్కు’. జంధ్యాలగారి దగ్గర దర్శకత్వంలో నవ్వులు, మెళుకువలు నేర్చుకుని దర్శకుడయ్యారు ఇ.వి.వి. చూడగానే నవ్వు వచ్చేలా సన్నివేశాలు తీయడంలో సిద్ధహస్తుడు. తొంభై దశకంలో ఏ.వి.ఎమ్.వారి బ్యానర్లో వచ్చి మంచి విజయం సాధించింది. ప్రారంభంనుంచి ముగింపువరకు మాటల గారడీతో నవ్వించిన సినిమా ‘ఆ ఒక్కటీ అడక్కు.’ ఎల్.బి.శ్రీరామ్గారు మాటలు రాయటంలో కొత్త ఒరవడి సృష్టించారు. ‘‘చూస్కో, వేస్కో, నాడీక్కి, టైటిల్స్లో, మాట్లాడింది, డబ్బుచ్చింది, రాజకీయంతా విని రాజీవ్గాంధీ ఎవరందీ, ఫర్ సపోజ్ రావుగోపాలరావు మేనరిజమ్, బ్రహ్మానందం దూరదర్శన్ సంగీతంతో వార్తలు చదువుట, నవ్వు, రంభ ఒంటినిండా కరెంట్, పిల్లలు కాదు మాకు కండెన్సర్లు పుడతాయి, బాబూమోహన్ జ్యోతిష్కుడుగా మేనరిజమ్, రావుగోపాలరావుగారి గెటప్నుండి మాటలవరకు, లతాశ్రీ జెండా ఎత్తేస్తా, నిర్మలమ్మ నటన, అల్లురామలింగయ్య రైలుటిక్కెట్ కలెక్టర్గా హడావుడి, ఇంటినే రైలు వాతావరణంగా చేయడం. శుభలేఖలు పంచుట, రాజేంద్రప్రసాద్ రంభ గూర్చివస్తే బయటకు పంపే సన్నివేశాలు, పెళ్లిలో చదివింపులు, బ్రహ్మానందం మెయిల్ వస్తోందేంటీ అనడం, కళ్లు చిదంబరం మేక సన్నివేశం ‘ఏప్రియల్ తర్వాత మే, జూన్ ముందు మే’. ఆరోజుల్లో ఈ జోక్కి హాలులో జనమంతా నవ్వారు. గుళ్లో సీన్లు, ఫైటింగ్ సీన్లు అన్నీ ఆద్యంతం ప్రతీ సన్నివేశం నవ్వించింది. నేటికి నవ్విస్తూనే వుంటుంది. రాజేంద్రప్రసాద్ నటన ఈ సినిమాలో ఎన్ని కోణాల్లో నవ్వించవచ్చో తెలుస్తుంది. గెడ్డంక్రీమ్తో స్వయంవరంకి వచ్చే సన్నివేశం, తాళిబొట్టుతో పిల్లాడు నిలబడతాడు ఆ సన్నివేశంలో రాజేంద్రప్రసాద్ నటనకి, మాటలకి ఆంధ్రదేశమంతా నవ్వుల జల్లులు కురిపించింది. సాక్షి రంగారావు సన్నివేశాలు ‘అంకులు దిగిరావయ్యా.. దేవుడు దిగి రావయ్యా’ పాటలో డాన్స్లు, నవ్వుల మయం, ప్రతీ నవ్వు వెనకాల కన్నీరు వుంటుందని నిర్మలమ్మ డైలాగ్స్లో మనకి అర్ధమవుతాయి. నవ్విస్తూనే జ్యోతిష్కం, జాతకాల బారినపడి నేటి యువత దారి తప్పుతోందని, మానవ కృషి, ఆలోచనే జీవితానికి నిజమైన మార్గమని సందేశాన్నిస్తుంది. ఎల్.బి.శ్రీరామ్గారి మాటలు, ఇ.వి.వి.గారి దర్శకత్వ ప్రతిభ, రాజేంద్రప్రసాద్, రంభ, నిర్మలమ్మ, రావుగోపాలరావు, నటన, ప్రతి నటుడు, నటన, మాటలతో ఈ సినిమాలో నవ్విస్తాడు. క్లైమాక్స్ కూడా కొసమెరుపుతో నవ్విస్తుంది. నేటికి టీవిలోవస్తే నవ్వించదగ్గ సినిమా ‘ఆ ఒక్కటీ అడక్కు’. తెలుగు సినిమాలో నవ్వుకి చిరునామా ‘రాజేంద్రప్రసాదే’అని ఆ ఒక్కటీ అడక్కు సినిమా నూటికి నూరుపాళ్లు రుజువుచేసిన సినిమా. ఆనాటి ప్రధానమంత్రి పి.వి.నరసింహారావుగారు రాజేంద్రప్రసాద్ సినిమాలు అంటే నాకిష్టం అంటూ చూశారు.
-పెమ్మరాజు సుబ్రహ్మణ్యగోపాల్, కొంకాపల్లి, అమలాపురం