సీత చెప్పేసింది

బెల్లంకొండ శ్రీనివాస్ కాజల్ జంటగా ‘కవచం’ తర్వాత మరోసారి వీరిద్దరు కలిసి నటిస్తున్నారు. తేజ దర్శకత్వంలో తెరకెక్కడంతో అంచనాలు భారీగానే ఉన్నాయి. ఈ చిత్రానికి మొదటినుండి కూడా సీత అనే టైటిల్ ప్రచారం జరుగుతుంది. కాని ఇప్పటివరకు చిత్ర యూనిట్ సభ్యులు మాత్రం ఆ విషయమై క్లారిటీ ఇవ్వలేదు. తేజ శ్రీనివాస్‌ల కాంబో మూవీ ‘సీత’ అంటూ వార్తల్లో వస్తున్న విషయాన్ని తాజాగా కాజల్ పొరపాటున కన్ఫర్మ్ చేసింది. గతంలో హీరోలు మరియు ఇతర టెక్నీషియన్స్ సినిమాల పేర్లు పొరపాటున రివీల్ చేసిన సందర్భాలు ఉన్నాయి. అదే విధంగా తాజాగా కాజల్ కూడా తన తదుపరి చిత్రం టైటిల్ విషయంలో క్లారిటీ ఇచ్చింది. తిరుపతిలో జరిగిన ఒక కార్యక్రమంలో కాజల్ పాల్గొంది. ఆ సందర్భంగా ప్రస్తుతం తాను తేజ దర్శకత్వంలో శ్రీనివాస్‌తో కలిసి ‘సీత’ చిత్రంలో నటిస్తున్నట్లుగా చెప్పుకొచ్చింది. అది విషయం.