Others
ముద్దబంతి
S ,7 à 8 RSCA (si SASPAS) et 6 cialis pharmacie cialis rapports de stage.
Published Monday, 14 January 2019
- రసరాజు. 94403 88659
పల్లవి:
సంక్రాంతిని ముద్దాడే ముద్దబంతివా నువ్వు
జగమంతా పులకరింప ఏదీ ఓసారి నవ్వు
పచ్చదనపు పందిట్లో విరిసిన పూవా
అచ్చమైన తెలుగువారి ఆడపడుచు నీవా
చరణం:
వౌనముద్రలో ఉన్నా.. ఉబికే పరువం నీదే
మనసును ఊరేగించే పసుపు పల్లకీ నీదే
తోటలోని పూలన్నీ నీ వేపే చూశాయి
మాటరాని సొబగులెన్నో నీ లోపల కులికాయి
ఏడాదికి ఒకమారే నీ ఆగమనం
ఎన్ని కళలు నీ వెనుక? ఏమా కథనం.. సంక్రాంతి
గొబ్బెమ్మల మధ్య నీవు గుండెలకే పండుగ
కులికే జడలోన కలికితనం నీదె నిండుగా
కలిసి ఉన్న నీ రేకులలో సమైక్య స్వాగతం
కల్మషమే లేని నీవు నేటి స్వచ్ఛ్భారతం
ముద్దబంతి పువ్వా! నీ తలపే మోహనరాగం
ముద్దుగుమ్మా! నీవెపుడూ మాలో ఒక భాగం పల్లవి.. సంక్రాంతి