Others
చెట్టుతనం
S ,7 à 8 RSCA (si SASPAS) et 6 cialis pharmacie cialis rapports de stage.
Published Saturday, 22 February 2020
-పుట్టి గిరిధర్.. 9491493170
అడుగులు లోపలికి వేస్తూ
బయటికి విస్తరిస్తుంది,
ఆత్మీయత రవంత చూపినా
కలకాలం అల్లుకుపోతుంది!
మట్టిలో బంధించినా
గాలికి రెక్కలందిస్తుంది,
నిప్పులు తాగినా
చల్లదనం కురిపిస్తుంది,
చెడును గొంతులో దాచుకొని
మంచినే శ్వాసగా వదుల్తుంది!
ఎగిరే పక్షులకు,
సేదతీర్చే తల్లికొంగులా మారి,
నీడను పంచుతూ
నేలఋణం తీర్చుకుంటుంది!
ఓడిపోయిన ప్రతిసారీ,
గెలుపు చిగురు పోరాటం చేస్తూ,
రాలిపోయే జీవితాలకు
ఆశలను నింపే ఆదర్శవౌతుంది!