Others
ఆహారానికి హెర్బల్ టచ్
S ,7 à 8 RSCA (si SASPAS) et 6 cialis pharmacie cialis rapports de stage.
మనం నిత్యం తీసుకునే ఆహారానికి హెర్బల్ టచ్ అందించినట్లయితే ఆహారం సహజ సిద్ధమైన, ఆహ్లాదకరమైన పరిమళాలు వెదజల్లడంతోపాటు, విలక్షణమైన రుచిని అందిస్తుంది. ఆరోగ్యానికి మేలు చేసే హెర్బల్ టచ్‌ని ఆహారానికి ఎలా అందించవచ్చో పరిశీలిద్దాం.
కూర వండే సమయంలో కరివేపాకుతో పాటు, నాలుగు తులసి ఆకులు జోడించండి. తులసి ఆకు అందించే వాసున, రుచి ఇంటిల్లిపాదికీ తప్పకుండా నచ్చుతుంది. ఆకుకూర పప్పు వండిన తర్వాత తాలింపు వేసి స్టవ్‌మీద నుండి దింపిన తర్వాత నాలుగైదు తులసి ఆకులను వేసి కలపండి. ఈ పప్పు ఒక కొత్త రుచిని, సువాసనను మీ కుటుంబానికి పరిచయం చేస్తుంది. రోజూ కాకుండా వారానికి రెండుసార్లు సులభమైన ఈ ప్రయోగాన్ని చేయండి.
ఇడ్లీ, దోశె, పుల్కా మొదలైన టిఫిన్లలోకి కొందరు గృహిణులు పచ్చి కొత్తిమీరతో పచ్చడి చేస్తుంటారు. ఆకర్షణీమైన రంగులో ఉండి, వెంటనే తినాలనిపించే ఈ కొత్తిమీర పచ్చడిలో స్వల్పంగా తులసి ఆకు, నేల ఉసిరిక ఆకు, పుదీనా, మెంతి ఆకు జోడించి చూడండి.. ఆహ్లాదకరమైన రుచిని నాలుకకు అందించే ఈ పచ్చడి మీ కుటుంబ సభ్యుల ఆరోగ్యాన్ని సంరక్షిస్తుంది.
టీ తయారుచేసేటప్పుడు అందులో ఏలకుల పొడి, పుదీనా, అల్లంజోడించండి. రోజూ కాకపోయినా అప్పుడప్పుడు టీలో దాల్చిన చెక్క పొడి, అశ్వగంధ చూర్ణం కొద్ది మోతాదులో వేయండి. వీటితో కూడిన తేనీరు మీకు నచ్చే అవకాశం ఉంది. తేనీరు తయారీలో పంచదారకు ప్రత్యామ్నాయంగా బెల్లం వాడి చూడండి.
ఇంటి పెరట్లో లేదా బాల్కనీలోని కుండీల్లో తులసి, కలబంద, నేల ఉసిరిక, పుదీనా, మెంతి కూరలు పెంచుతూ, వాటిని ఉపయోగించుకోవాలి. ఇంట్లోని వృద్ధులు, పిల్లలు కూడా వీటిని ఇష్టంగా అప్పుడప్పుడు స్వల్ప మోతాదులో తినే విధంగా ప్రోత్సహించాలి.
కాలేయ ఆరోగ్యాన్ని సంరక్షించే అద్భుతమైన మొక్క నేల ఉసిరిక. పక్షం రోజులకు ఒకసారి నేల ఉసిరిక మొక్కను వ్రేళ్ళతో సహా తీసుకుని, కడిగి చేతితో మృదువుగా నలిపి, ఇష్టదైవాన్ని స్మరిస్తూ నమిలి రసం మింగండి. చక్కటి ఈ చిట్కాను ఇంటిల్లిపాదీ ఆచరించండి.
దురద స్వభావం ఉన్నవారు వేప, తులసి, నిమ్మ ఆకులు, కలబంద కలిపి రుబ్బి, ఈ హరిత మిశ్రమంతో శరీరమంతా మృదువుగా రుద్దుకుని స్నానం చేయండి. ఎంత చక్కటి ఫలితం లభిస్తుందో మీరే ఆశ్చర్యపోయి ఈ సులభమైన పద్ధతిని ప్రతిరోజూ పాటిస్తారు.
కొద్దిపాటి మెళకువలతో సులభమైన విధానాలను ఆచరిస్తూ ఆహారానికి శ్రేష్టమైన, సురక్షితమైన సరికొత్త రుచులు జోడిస్తూ ఆరోగ్యాన్ని పరిరక్షించుకోవడం సాధ్యమేనని మనకు బోధపడుతుంది. కుటుంబ సభ్యులకు కూడా అవగాహన పెంపొందుతుంది.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.