రాష్ట్రీయం
ప్రాజెక్టులపై సిగపట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 21: విభజన అనంతరం ఆంధ్రప్రదేశ్, తెలంగాణ రాష్ట్రాల మధ్య ప్రధాన సమస్యగా మారిన గోదావరి జలాల వినియోగంపై గురువారం హైదరాబాద్‌లో జరిగిన గోదావరి నదీ యాజమాన్య బోర్డు సమావేశం వాడిగా, వేడిగా జరిగింది. బోర్డు చైర్మన్ రామ్‌శరణ్ అధ్యక్షతన జలసౌధలో జరిగిన ఈ సమావేశంలో జలాల వినియోగంపై ఇరు రాష్ట్రాలు తమకున్న హక్కులు, అభ్యంతరాలను వ్యక్తం చేశాయి. గోదావరిపై ఆంధ్రప్రదేశ్ ప్రభుత్వం నిర్మిస్తున్న పట్టిసీమ ప్రాజెక్టుకు చెందిన సమగ్ర ప్రాజెక్టు నివేదిక (డిపిఆర్)ను తమకు ఇవ్వాలని తెలంగాణ ప్రభుత్వం మొదట చర్చను లేవనెత్తింది. పట్టిసీమ ప్రాజెక్టు కొత్త ప్రాజెక్టు కాదని, అది పోలవరం ప్రాజెక్టు అథారిటీలో భాగమేనని ఆంధ్రప్రదేశ్ ప్రభుత్వం బలంగా వాదించింది. మమ్మల్ని పట్టిసీమ డిపిఆర్ అడుగుతున్నారు, మరి మీ రాష్ట్రంలో (తెలంగాణ) నిర్మిస్తున్న కొత్త ప్రాజెక్టుల డిపిఆర్‌ల సంగతేమిటనీ ఆంధ్రప్రదేశ్ ప్రభుత్వం అభ్యంతరం లేవనెత్తింది. తాము చేపట్టబోయే కొత్త ప్రాజెక్టులకు ఇంకా డిపిఆర్‌లు సిద్థం కాలేదని, అవీ పూర్తి అయిన తర్వాత తప్పకుండా అందిస్తామని తెలంగాణ ప్రభుత్వం స్పష్టం చేసింది. తెలంగాణ డిపిఆర్‌లు తమకు చూపిస్తే పట్టిసీమ డిపిఆర్‌ను చూపెట్టడానికి తమకు అభ్యంతరం లేదని ఆంధ్రప్రదేశ్ ప్రభుత్వం స్పష్టం చేసింది. వివాదాలను పక్కన పెట్టి ఇరు రాష్ట్రాలు గోదావరి జలాలను సద్వినియోగం చేసుకోవడంపై దృష్టిసారించాలని గోదావరి యాజమాన్య బోర్డు హితవు పలకింది. వివాదస్పద అంశాలను పక్కన పెట్టి గోదావరి జలాలు వృధగా సముద్రం పాలు కాకుండా వినియోగించుకుంటూ పరస్పరం సహకరించుకుందామని ఇరు రాష్ట్రాల అధికారులు ఏకాభిప్రాయం వ్యక్తం చేశారు. అలాగే గోదావరి యాజమాన్య బోర్టు కార్యకలాపాల కోసం రూ. 8 కోట్లు అవసరం అవుతాయని బోర్డు సూచించగా, ఇరు రాష్ట్రాలు సమానంగా చెరో రూ. 4 కోట్లు భరించడానికి సంసిద్ధతను వ్యక్తం చేశాయి. విభజన చట్టం ప్రకారం గోదావరి పరివాహక ప్రాంతంలోని ప్రాజెక్టుల సమాచారాన్ని ఇరు రాష్ట్రాలు పంచుకునేందుకు కూడా అంగీకరించాయి.
బోర్డు సమావేశం అనంతరం చైర్మన్ రామ్‌శరణ్ మాట్లాడుతూ, సాంకేతిక, పరిపాలనా పరమైన అంశాలతో పాటు ఆర్థిక విషయాలపై బోర్డు సమావేశంలో చర్చ జరిగిందని తెలిపారు. ఇరు రాష్ట్రాల ప్రజల ప్రయోజనాలకు అనుగుణంగా బోర్డు నడుచుకుంటుందని ఆయన స్పష్టం చేశారు. ఇరు రాష్ట్రాల మీదుగా ప్రవహించే నదులు వర్షాధారంపై ఆధారపడేవే కావడంతో ప్రతి నీటిబొట్టును సద్వినియోగం చేసుకోవాలని ఆయన హితవు పలికారు. గోదావరి జలాలు సముద్రంలో వృధాగా కలుస్తున్నాయని, ఒక్క చుక్క నీరు కూడా వృధా కానీయవద్దని ఆయన సూచించారు. ఈ సమావేశంలో ఆంధ్రప్రదేశ్ నీటిపారుదలశాఖ ముఖ్య కార్యదర్శి ఆదిత్యనాథ్ దాస్, తెలంగాణ నీటిపారుదలశాఖ ముఖ్య కార్యదర్శి ఎస్‌కె జోషి, తెలంగాణ ప్రభుత్వ నీటిపారుదల రంగ సలహాదారు ఆర్ విద్యాసాగర్‌రావు తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.