జాతీయ వార్తలు
ఇక జరిగేవి సైబర్ యుద్ధాలే
S ,7 à 8 RSCA (si SASPAS) et 6 cialis pharmacie cialis rapports de stage.
అయినా సాంప్రదాయ
సైనికులను తొలగించం
రక్షణ మంత్రి పారిక్కర్
న్యూఢిల్లీ, నవంబర్ 23: భవిష్యత్తులో యుద్ధాలు సైబర్‌స్పేస్‌లోనే జరగవచ్చని, కనుక సైబర్ దాడుల నుంచి దేశాన్ని రక్షించేందుకు సాయుధ బలగాల సామర్థ్యం మరింత మెరుగుపడాల్సిన అవసరం ఉందని రక్షణ మంత్రి మనోహర్ పారిక్కర్ ఉద్ఘాటించారు. ప్రస్తుతం పలు దేశాల్లో విధ్వంసాన్ని సృష్టిస్తున్న ఐసిస్ ఉగ్రవాద సంస్థ తమ బలాన్ని మరింత పెంపొందించుకునేందుకు కంప్యూటర్ సాంకేతిక పరిజ్ఞానంతోపాటు ఇంటర్నెట్‌ను విరివిగా ఉపయోగించుకుంటున్న విషయాన్ని ఆయన గుర్తుచేశారు. సోమవారం న్యూఢిల్లీలో సైనిక దళానికి చెందిన సిగ్నల్ కార్ప్స్, భారత పరిశ్రమల సమాఖ్య (సిఐఐ) సంయుక్తంగా నిర్వహించిన ‘డిఫ్‌కామ్’ సదస్సులో పారిక్కర్ ప్రసంగిస్తూ, ప్రాపంచిక వ్యవహారాల్లో భారత్ ప్రధాన పాత్ర పోషించాలంటే సాంకేతిక పరిజ్ఞానాన్ని మెరుగుపరుచుకుని సైనిక రంగంలో మన దేశం మరింత బలోపేతం కావలసిన అవసరం ఉందన్నారు. భవిష్యత్తులో యుద్ధాలు ఎక్కువగా సైబర్‌స్పేస్‌లోనే జరగవచ్చని, కనుక దేశ సైనిక వ్యవస్థకు పదను పెట్టడంలో సమాచార సాంకేతిక పరిజ్ఞానమే (ఐటి) ముఖ్యభూమిక పోషిస్తుందని పారిక్కర్ అన్నారు. ఆధునిక సాంకేతిక పరిజ్ఞానం ఎంతగా అభివృద్ధి చెందినప్పటికీ సాంప్రదాయ సైనిక బలగాలను తొలగించే ప్రసక్తే లేదని, అందుబాటులోకి వచ్చిన ఆధునిక సామగ్రిని అంతిమంగా సాంప్రదాయ సైనికులకే అందజేసి వారి సామర్థ్యాన్ని, పోరాట పటిమను మరింత మెరుగుపర్చడం జరుగుతుందని స్పష్టం చేశారు. ఇంటర్నెట్ సాంకేతిక పరిజ్ఞానాన్ని సరైన రీతిలో ఉపయోగించుకోవాల్సిన అవసరం ఉందని, ఐసిస్ లేదా దాయిష్ లాంటి ఉగ్రవాద సంస్థలనే ఇందుకు ఆదర్శంగా తీసుకోవచ్చన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.