బిజినెస్
ఇన్ఫోసిస్ పోచారం క్యాంపస్‌లో 6.6 మెగావాట్ల సోలార్ ప్లాంట్ ప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 28: దేశీయ ఐటి రంగంలో రెండో అతిపెద్ద సంస్థ ఇన్ఫోసిస్.. తెలంగాణలోని పోచారం వద్దనున్న క్యాంపస్‌లో సోమవారం 6.6 మెగావాట్ల సౌర విద్యుత్ ప్లాంట్‌ను ప్రారంభించింది. ఈ మేరకు ఇన్ఫోసిస్ ఓ ప్రకటనలో తెలియజేసింది. ఇప్పటికే ఈ ప్లాంట్‌కు 0.6 మెగావాట్ల రూఫ్‌టాప్ సోలార్ ప్లాంట్ నుంచి విద్యుత్ అందుతుండగా, ఇప్పుడు మరో 6.6 మెగావాట్ల సోలార్ పవర్ ప్లాంట్ నుంచి విద్యుత్ అందుబాటులోకి వచ్చింది. దీంతో పోచారం ఇన్ఫోసిస్ క్యాంపస్‌లో 7.2 మెగావాట్ల సౌర విద్యుదుత్పత్తి జరుగుతుండగా, పూర్తిస్థాయిలో పునరుత్పాదక శక్తి (రెన్యువబుల్ ఎనర్జీ)తోనే నడుస్తున్న కార్పొరేట్ క్యాంపస్‌గా దేశంలోనే పోచారం ఇన్ఫోసిస్ క్యాంపస్ కు పేరొచ్చిందని ఆ సంస్థ పేర్కొంది. క్యాంపస్‌లోని సోలార్ పవర్ ప్లాంట్‌ను గ్రిడ్‌కు అనుసంధానం చేశామని, ఏటా 12 మిలియన్ కిలోవాట్ల విద్యుదుత్పత్తి జరగవచ్చని కూడా ఇన్ఫోసిస్ అంచనా వేసింది.
కాగా, పోచారంలోని ఇన్ఫోసిస్ ఐటి సెజ్ 450 ఎకరాల్లో విస్తరించి ఉంది. తొలి దశ నిర్మాణంలో 16,000 మందికి శిక్షణనిస్తున్న ఇన్ఫోసిస్.. రెండవ దశలో దీన్ని 25వేలకు తీసుకెళ్ళాలని భావిస్తోంది. మూడవ దశనూ ప్రారంభించాలని యోచిస్తోంది. ఇదిలావుంటే దేశవ్యాప్తంగా ఉన్న ఇన్ఫోసిస్ క్యాంపస్‌లలో 12 మెగావాట్ల సౌర విద్యుత్ ప్లాంట్లు ఏర్పాటవగా, రాబోయే రెండు నెలల్లో మరో 3 మెగావాట్ల ప్లాంట్లు పూర్తికానున్నాయి.
** పూర్తిగా సౌర విద్యుత్‌తోనే నడుస్తున్న పోచారం ఇన్ఫోసిస్ క్యాంపస్ **
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.