రాష్ట్రీయం
వామపక్ష తీవ్రవాదంపై ఉక్కుపాదం
S ,7 à 8 RSCA (si SASPAS) et 6 cialis pharmacie cialis rapports de stage.
హోం శాఖ సలహాదారు విజయ్‌కుమార్ పిలుపు
ముగిసిన జాతీయ భద్రతా దళాల శిక్షణ శిబిరం
హైదరాబాద్, డిసెంబర్ 12: శాంతి భద్రతలకు విఘాతం కలిగించే వామపక్ష తీవ్రవాదంపై ఉక్కుపాదం మోపాలని కేంద్ర హోంశాఖ వ్యవహారాల సలహాదారు కె విజయ్‌కుమార్ పిలుపునిచ్చారు. శనివారం హిమాయత్‌సాగర్‌లోని ఆర్‌బివిఆర్‌ఆర్ తెలంగాణ పోలీసు అకాడమిలో ‘వామపక్ష తీవ్రవాదం’పై శిక్షణ సదస్సు జరిగింది. సదస్సుకు ముఖ్య అతిథిగా హాజరైన విజయ్‌కుమార్ మాట్లాడుతూ భద్రతా దళాలు పేలుళ్ల సంఘటనలపై ప్రధానంగా దృష్టి సారించాలని, ప్రపంచవ్యాప్తంగా ఉగ్రవాదం విస్తరిస్తోందని, వామపక్ష తీవ్రవాదంతోపాటు ఉగ్రవాదాన్ని తుదముట్టించేందుకు భద్రతా దళాలు ఎల్లవేళలా సిద్ధంగా ఉండాలని సూచించారు. మావోయిస్టుల ఏరివేతకు తెలంగాణ, ఆంధ్రప్రదేశ్ పోలీసులు చేపడుతున్న చర్యలను ఆయన ప్రశంసించారు. తీవ్రవాదం అణచివేతపై పోలీసులకు ఇస్తున్న శిక్షణ ఎంతో బాగుందని, జిల్లాల్లోని గ్రేహౌండ్స్, ఎస్‌ఐబి దళాలు కూడా శిక్షణ పొందడం ముదావహమన్నారు. ఈ శిక్షణలో కేరళకు చెందిన ఐజిపి స్థాయి అదనపు ఎస్పీలు, తమిళనాడు, ఉత్తరప్రదేశ్, పంజాబ్, రాజస్థాన్, పశ్చిమ బెంగాల్, తెలంగాణ, ఉత్తరఖండ్ రాష్ట్రాలకు చెందిన కమాడెంట్లు, డిప్యూటీ కమాండెంట్లు పాల్గొన్నారు. సదస్సులో వామపక్ష తీవ్రవాదంతోపాటు తిరుగుబాటు సంస్థల కార్యకలాపాలు, నక్సలైట్ల ఆలోచనలు, రాష్ట్రాల స్పందన, మానవహక్కుల సంఘాలపై ప్రభుత్వ స్పందన, పోలీసు స్టేషన్ల భద్రత, తీవ్రవాద కేసులపై దర్యాప్తులు వంటి అంశాలపై చర్చించారు. తీవ్రవాద కేసుల దర్యాప్తు, ఫోరెన్సిక్ సాక్ష్యాధారాల సేకరణపై అపార అనుభవం గడించిన అరుణ్ బోత్రా సదస్సులో తగిన సూచనలు, సలహాలు ఇచ్చారు. నక్సలైట్ల రిక్రూట్‌మెంట్, నిధులు సమకూర్చుకోవడం, ఆయుధాల కొనుగోలు వంటి అంశాలపై న్యూఢిల్లీకి చెందిన ఐపిఎస్ అధికారి పివి రమణ చర్చించారు. సీనియర్ అధికారులు బి శివధర్‌రెడ్డి, ఆర్‌ఎస్ ప్రవీణ్, ఎంఎం భగవత్, విసి సజ్జన్నార్, షానవాజ్ ఖాసీం, ప్రొఫెసర్ హరగోపాల్ తదితరులు వివిధ అంశాలపై చర్చించారు. (చిత్రం) పోలీసు అకాడమిలో ‘వామపక్ష తీవ్రవాదం’పై జరిగిన శిక్షణసదస్సులో ప్రసంగిస్తున్న కేంద్ర హోంశాఖ సలహాదారు కె విజయ్‌కుమార్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.