రాష్ట్రీయం
నకిలీ సర్ట్ఫికెట్ల రాకెట్ గుట్టు రట్టు
S ,7 à 8 RSCA (si SASPAS) et 6 cialis pharmacie cialis rapports de stage.
ఒకరి అరెస్టు.. కంప్యూటర్లు, ప్రింటర్లు స్వాధీనం
హైదరాబాద్, డిసెంబర్ 4: ఐటి రంగంలో ఉద్యోగాలు పొందేందుకు వీలుగా నకిలీ అనుభవ, ఆఫర్, అప్రైజల్ సర్ట్ఫికెట్లను తయారు చేసి విక్రయిస్తున్న ముఠా గుట్టును టాస్క్ఫోర్స్ హైదరాబాద్ పశ్చిమ మండలం పోలీసులు రట్టు చేశారు. జూబ్లీహిల్స్ రోడ్ నెం.22లో జరుగుతున్న ఈ నకిలీ సర్ట్ఫికెట్ల తయారీ ముఠాకు చెందిన ఒకరిని అరెస్టు చేసి ఆ కార్యాలయం నుంచి రెండు సెల్‌ఫోన్లు, రెండు కంప్యూటర్లు, ఒక ప్రింటర్, ఆరు నకిలీ స్టాంప్‌లు, నకిలీ డాక్యుమెంట్లు, రూ.26 వేల నగదు స్వాధీనం చేసుకున్నారు. ఈ కేసుకు సంబంధించి వివరాలు ఇలా ఉన్నాయి. మహబూబ్‌నగర్ జిల్లాకు చెందిన కె.నరసింహరాజు (27) 2009లో ఉద్యోగానే్వషణకు హైదరాబాద్ వచ్చినప్పుడు ఇలా నకిలీ అనుభవ పత్రాలు వంటివి ఇవ్వడం ద్వారా ఐటి ఉద్యోగాలు చాలా మంది పొందుతున్నట్లు తెలుసుకున్నాడు. ఇలా సర్ట్ఫికెట్లు ఇవ్వడం ద్వారా చాలా డబ్బును ఆయా సంస్థలు సంపాదిస్తున్నట్లు సమాచారం సేకరించాడు. అలా ఒక పథకం ప్రకారం జూబ్లీహిల్స్ రోడ్ నెం.22లో కార్యాలయాన్ని ప్రారంభించి వివిధ ఐటి కంపెనీల తాలూకు అనుభవ పత్రాలు, పే స్లిప్పులు, రిలీవింగ్ లెటర్లు, ఐడి కార్డులు తయారు చేసి ఇవ్వడం ప్రారంభించాడు. ఇందుకు గాను ఒక్కో దానికి అభ్యర్థుల అవసరాన్ని బట్టి రూ.15 వేల నుంచి 25 వేల వరకు తీసుకుంటున్నాడు. జాబ్ పోర్టల్స్ ద్వారా ఉద్యోగానే్వషణలో ఉన్న వారి వివరాలు సేకరించి వారిని ఫోన్‌లో సంప్రదించి తన వద్దకు రప్పించుకుంటున్నాడు. బెంగళూరు, చెన్నై, హైదరాబాద్ నగరాల్లో చాలా వరకు ఇలా నకిలీ సర్ట్ఫికెట్లు ఇవ్వడం ద్వారా చాలా మంది ఇతని ద్వారా ఉద్యోగాలు పొందారు. ఎంటరెప్ట్స్ ఐటి సర్వీసెస్ ప్రైవేట్ లిమిటెడ్, వాన్‌డ్రీమ్స్ ఫిక్సెల్‌ఫ్లో సిస్టమ్స్ ప్రైవేట్ లిమిటెడ్ వంటి పేర్లతో నకిలీ సర్ట్ఫికెట్లు తయారు చేసి ఇచ్చాడు. దీంతో దాదాపు 100 మందికిపైగా ఉద్యోగాలు వివిధ పేరొందిన కంపెనీల్లో పొందారని టాస్క్ఫోర్స్ డిప్యూటీ కమిషనర్ తెలిపారు. ఐటి కంపెనీలు తాము ఎంపిక చేసిన అభ్యర్థుల పూర్వ చరిత్రను విచారించేందుకు ధర్డ్ పార్టీకి అప్పగిస్తూ ఉంటాయని, వాటిని కూడా మేనేజ్ చేసి ఉద్యోగాలు వచ్చేవిధంగా కృషి చేస్తున్నాడు. కేసు నమోదు చేసి దర్యాప్తు చేస్తునట్లు డిసిపి బి.లింబారెడ్డి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.