జాతీయ వార్తలు
‘వివక్ష’ వేడి తగ్గని రాజ్యసభ
S ,7 à 8 RSCA (si SASPAS) et 6 cialis pharmacie cialis rapports de stage.
అధికార, ప్రతిపక్ష నేతలతో చైర్మన్ భేటీ
న్యూఢిల్లీ, డిసెంబర్ 3: గుజరాత్‌లోని ఒక ఆలయంలో తనపట్ల పురోహితులు కుల వివక్ష చూపించారని కాంగ్రెస్ సభ్యురాలు, మాజీ మంత్రి సెల్జా చేసిన ఆరోపణలపై చేలరేగిన వివాదం గురువారం కూడా రాజ్యసభను స్తంభింపచేసింది. పదకొండు గంటలకు ప్రారంభమైన సభ పది నిమిషాలు మాత్రమే సాఫీగా జరిగింది. కాంగ్రెస్ సభ్యులు మాకు న్యాయం కావాలంటూ పెద్దపెట్టున నినాదాలిస్తూ వెల్‌లోకి దూసుకొచ్చారు. పాలక, ప్రతిపక్షాల మధ్య తీవ్రస్థాయిలో వాగ్వాదం జరిగింది. డిప్యూటీ చైర్మన్ కురియన్ రెండు వర్గాలను శాంతింపచేసి సభను నడించటానికి చేసిన ప్రయత్నాలు ఫలించలేదు. ఈ వివాదాన్ని పరిస్కరించటానికి చైర్మన్ అన్సారీ పార్టీల నాయకులతో జరిపిన చర్చలు ఫలించాయనీ, మధ్యాహ్నం 12 గంటలకు సమస్య పరిస్కారమైన తీరుపై చైర్మన్ ఒక ప్రకటన చేస్తారని, సభ నడవడానికి సహకరించవలసిందిగా సభ్యులకు విజ్ఞప్తి చేసినా ఫలించలేదు. పాలక ప్రతిపక్షాల వాదోపవాదాలతో సభ మారుమోగిపోయింది. ఒక దశలో డిప్యూటీ చైర్మన్ ఆగ్రహంతో మీరు నన్ను బెదిరించే ప్రయత్నం చేయవద్దు. నేను బెదిరింపులకు భయపడను. రాజ్యసభ గౌరవ మర్యాదలను మంటకలిపే తీరులో మీరు వ్యవహరిస్తున్నారు. ఇది అప్రజాస్వామికం అని కురియన్ తీవ్ర అసహనం వ్యక్తం చేశారు. మంత్రి పీయూష్ గోయల్ లేచి రాజ్యాంగంపై చర్చ జరుగుతున్న సమయంలో తాను సెల్జాపై చేసిన వ్యాఖ్యలను ఉససంహరించకుంటున్నట్లు ప్రకటించారు. గోయల్ చేసిన ప్రకటనతో కాంగ్రెస్ సభ్యులు మండిపడ్డారు. వివాదం సమసిపోయిన తీరుపై చైర్మన్ ఎలాంటి వివరణ ఇవ్వలేదంటూ మళ్లీ కాంగ్రెస్ సభ్యులు గొడవకు దిగారు. చైర్మన్ పది నిమిషాలపాటు వాయిదా వేస్తున్నట్లు ప్రకటించి, సభా నాయకుడైన అరుణ్ జైట్లీ, ప్రతిపక్ష నాయకుడు గులాం నబీ అజాద్‌ను తన చాంబర్‌కు రావలసిందిగా ఆదేశించారు. సభ మధ్యాహ్నం రెండు గంటలవరకూ వాయిదా పడింది. ఆ తర్వాత సభ మామూలుగా పని చేసింది. అయితే సమస్య పరిస్కారం అయ్యిందా, కాలేదా అన్న విషయంపై స్పస్టత రాలేదు.
(చిత్రం)రాజ్యసభలో పోడియం వద్ద ఆందోళన చేస్తున్న విపక్ష సభ్యులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.